ها اللي كتسوا الجزائر والبوليساريو. كاليك الاتحاد الافريقي معاهم. 2 دعمو المغرب والثالثة ختارت الحياد غير صحاب امريكا اللاتينية اللي ما عندهم علاقة بالقضية كيدعمو البوليساريو

يوم امس الجمعة وبعد تصويت اعضاء مجلس الامن 15 على قرار تمديد مهمة المينورسو ومنح 90 يوما للامين العام كي يعد تقريرا جديدا مع الدعوة الى عودة المكون المدني للمينورسو خرج ممثل البوليساريو في الامم احمد البخاري بتصريح غبي اللي غادي يصدقو. كال ليك يا سيدي ان الاتحاد الإفريقي ممثلا في شخص مبعثوه الخاص الى الصحراء الغربية شيصانو وخلال لقائه يوم 26 ابريل مع مجلس الأمن اكد على دعمه القوي لحق الشعب الصحراوي في تقرير المصير"وقال "الدولة الوحيدة التي ليست عضوا بالاتحاد الافريقي لانه عزل نفسه" بسبب قضية الصحراء.
دابا نبداو بالحساب. افريقيا فيها 3 دول ممثلة فمجلس الامن يعني صوتات البارح: مصر والسينغال وانگولا. شحال من واحد صوت على قرار مجلس الامن اللي ما دانش المغرب وما ربطتش كيف كانت النسخة الاولى بين عودة المكون المدني للمينورسو وبين فرض عقوبات على المغرب بل طالب بعودتها وفتح مفاوضات مع الرباط٬ يعني قرار فصالح المغرب ايلى قارناه بالمسودة الاولى اللي وجداتها امريكا٬ السينغال دافعت عن المغرب وكانت رفقة فرنسا ومصر وحتى هي دولة افريقية ضد فرض اية عقوبات علينا. والدولة الثالثة الافريقية انگولا اللي تقليديا مع البوليساريو وحليف للجزائر ومعترفة كاع بيهم. خدات موقف محايد. امتنعت عن التصويت مثلها مثل روسيا ونيوزلندا. يعني السي البخاري ما معاك حد فافريقيا وقت المعقول. المعزول ماشي المغرب بل الجزائر والبوليساريو.
شكون كيدافع عليهم اليوم؟ فينيزيولا والاروغواي اللي ما عندهم لا حدود مع المغرب ولا الصحرا ولا هم قراب. وباش تعرف شكون كاين ففينيزويلا الواحد يگول بناقص. مازال صحاب تشافيز لاصقين فالحكم