علاش المغرب كعى على امريكا. مصدر "كود": غلطات فالحموشي ورجعاتو مدير الامن الوطني ف2014 وزايداها بتخراج العينين وحنا الوحيدين فالمنطقة اللي دايرين معاهم الشفافية وهما كيكذبو

علاش المغرب دار دورة كبيرة فاميركا وواش قاد عليها؟ نبداو بالترتيب. الخارجية الامريكية ككل سنة اصدرت تقريرها السنوي حول الدول تناولت حقوق الانسان والامن والديموقراطية وحقوق التعبير والصحافة والمرأة والتدين…. تقرير هذه السنة ما مختلفش عن تقارير السنوات الماضية. جبدو للمغرب ودنيه فحوايج وشكروه على حوايج.
بيان للسفارة الامريكية في الرباط كان ديبلوماسيا بخصوص هذا التقرير. دار تقريبا غير الاشادة. جا مختلف عن التقرير. لمغاربة تصدمو. شكون كيدير هاد التقارير. السفارة مهدنة والخارجية مصعدة.
كان اول اجراء اجتماع بين وزير الداخلية محمد حصاد وسفير الولايات المتحدة الامريكية في الرباط دوايت بوش قبل اكثر من اسبوع. تلاه اجتماع تقني بخصوص التاكد من كل الحالات التي جاء التقرير على ذكرها. بالنسبة للمغرب وفق مصدر ل"كود" "كان عادي الداخلية اللي تلاقى بالسفير حقاش التقرير يتحدث عن وقائع طرات فوق التراب المغربي. بعدها كان يوم الثلاثاء الماضي بيان شديد اللهجة لوزارة الداخلية تدحض ما جاء في التقرير الامريكي.
رد الخارجية الامريكية لم يتأخر اذ قال الناطق الرسمي باسم الخارجية ان واشنطن تتشبث بكل ما جاء في التقرير. كانت ضربة للمغرب. اعتقد انه غادي يخلع امريكا ويخليها تتراجع ولا تجاوبو بديبلوماسية.
هاد الرد خلى الخارجية المغربية في شخص رجلها القوي والضابط لملف العلاقات المغربية الامريكية الوزير المنتدب في الخارجية ناصر بوريطة هذه المرة يستدعي السفير بوش وكان رفقته ياسين المنصوري مدير المخابرات العسكرية.
المغرب طلع ليه الدم على امرين اثنين: قضية ثلاث حالات اختطاف اثارها التقرير. المغرب كيكول ما كاينش هاد الشي غير كذوب وما منوش. القضية الثانية اللي شد فيها فمريكان مزيان هو ان التقرير يتحدث عن عبد اللطيف الحموشي كمدير عام للمديرية العامة للامن الوطني ابريل 2014. لمغاربة كالو لمريكان لعنو الشيطان السيد ما كانش مدير ديك الساعة. ومع ذلك تشبتت الخارجية بموقعها. التعذيب ولكذوب قلق لمغاربة.
القضية تتعلق بادانة مدير "بديل" حميد المهداوي من قبل محكمة بيضاوية بتهمة القذف والسب في حق المديرية العامة للامن الوطني، ولكن الحموشي ما كانش هو المدير ديك الساعة
حسب مصدر ل"كود" "ما فهمناش حنا الدولة الوحيدة فشمال افريقيا والشرق الاوسط اللي عندنا تفاعل يومي مع السفارة الامريكية منذ 2006 ثم كيفاش كتصدقو المغرب باش يكول ليكم معطيات عندها علاقة بالارهاب وما تصدقوهش فقضايا اخرى. كاين حوار فحقوق الانسان. هما كذبو علينا".
القضية مرشحة للتصعيد لان امريكا وفق ما اكده مصدر من سفارتها ل"كود" "متشبثة بهذا التقرير" كما سبق ان اشار الى ذلك الناطق الرسمي باسم الخارجية الامريكية