حسن الفد تفرش فسلوى والزوبير. تبع لفلوس ونسى الابداع: ساهل تضحك بالعروبية وخاصك تكون مبدع كبير ماشي غير باغي تجمع لفلوس ودير كلشي بحال عبد الرؤوف الى درتي كوبل مديني

سلوى الزوبير قصة عناد بدا عربونها من اول حلقة. هاد السلسلة حلف حسن الفد ايلى يخليها تعوض "الكوبل" وكبور والشعيبية. "كود" كالت نهار بدا الكوبل باللي ساهل تضحك ايلى كان عندك الفضاء فالعروبية. وباللي الكوبل امتداد لهاداك الثنائيات اللي كانوا فالسهرات الاسبوعية زمن ادريس البصري والحسن الثاني. تجيب جوج وتخليهم يهدرو على العروبية واللي سماوهم السوسيولوجيين حينها ب"تحويل المدن الى القرى".
حسن الفد جا فالكوبل وكان معاه منتج مزيان او منتجة لان مولاتها هي المنتجة نجاة قبي وكان معاه فريق مزيان من مخرج وتقنيين بالاضافة الى الممثلة دنيا بوطازوت. كلشي تجمع باش دار سلسلة ناجحة
الفد فهاد السلسلة سلوى والزوبير تحول لعبد الرؤوف. يمكن ابتعادو على المغرب وتفكيرو بزاف فمستقبلو ومستقبل اولادو خلاه يكفر فالفلوس اكثر من الابداع وهاد الشي علاش جات اولى الحلقات باسلة مسوسة ضعيفة. كيبان النقيل من سلسلات دازت ف"ام 6″ ولا شي قنوات اخرى وما فيهاش اللمسة الفنية. المخرج والممثل والكاتب حسن الفد ولى 7 صنايع والرزق اي الابداع ضاع. وزاد كملها قبل قبل من الخدمة على اللي يشري العمل او يسبانسوريزيه. كلشي تفكير الفد كان فالفلوس والنتيجة بان عربونها البارح.