دولة إسرائيل ويا للأسف الشديد باقية وتتمد رغما عن أنوف العرب. كاليك المصري المسلم شهابي يرفض مصافحة الاسرائيلي "الصهيوني"

على خلفية هاد الانسحابات المتتالية ديال "الابطال" العرب من الاولمبياد لرفضهم مواجهة "الكيان الصهيوني") ثم ديك الهزيمة النكراء "اللهم لا شماتة "للبطل المغوار المصري أمام الكافر الاسرائيلي كيبان ليا _والله اعلم_ ان عريبان بفعل داك الغباء البنيوي للي كيعانيو منو غادي تبقى إسرائيل كتشكل ليهم عقدة إلى أبد الابدين
فرغم رفعهم مساكن كل اكف الضراعة والدعوات عليهم بالدمار والزوال، الا انه داكشي على ما يبدو بحال ايلا كيخويو لما علگرعة،حيث ان دولة اسرائيل على غرار "احتلال فلسطين" فهي تحتل ايضا موقعا رياديا في العالم على مستوى مختلف گاع المجالات والميادين، وكتعتبر من أكبر الدول المصدرة للاسلحة للعالم بما فيها امريكا والاتحاد الاوروبي واقوى عسكرية في الشرق الاوسط بدون اي منازع.
اما على الصعيد العلمي فغنلقاو ان إسرائيل عام 2005 نشرت ما ينهاز 6309 بحث علمي الشي لي خول ليها تحتل عاود المركز الاول لحدود الساعة فهاد المجال متفوقة على امريكا واليابان والمانيا،ونسبة للي خدامين عندهم فهادشي ديال لعيلم ولمصاريف للي كتوجه للمجال العيلمي هو ثاني اعلى نسبة في العالم ،كما انها بالتوازي مع ذلك تعتبر ثاني افضل دولة في الابحاث ديال الفضاء فلعالم
من ناحية خرا اسرائيل عندها مصنع teva للي هو اكبر مصنع ديال الادوية للي" كيتصنع" فيه الدوا وكتصدرو لينا الليزازيها بخير، هذا طبعا بالاضافة للانجاز ديال استطاعتها ان تجعل من نفسها عقدة نفسية ل 95% من العرب ..
هادشي وغيرو لكثير من المعطيات للي فصالح إسرائيل طبعا يضعنا امام واحد الواقع ما له من دافع مفاده انه سواء انسحبتكم يا اعزائي العرب اولا مانسحبتوش ،اسرائيل كاينة بكم وبلا بكم،و لن تزول،وغتبقى "لسوء حظكم"جالسة على قلوبكم إلى حين انقراض البشرية من على سطح كوكب الارض….