استغرب قيادي اتحادي في تصريح ل"كود" تعامل البعض مع بيان الاتحاد الاشتراكي وكانه موقف سياسي للحزب. مصدر "كود" قال "واش ما كتعرفوش ادريس لشكر. عقلتو عليه قبل ما يدخل مع حكومة عباس الفاسي اش دار. ياك مشى تحالف مع الرميد =ديال العدالة والتنمية= وخرج كيزايد فالصحف والمجلات ويسب فالبام وكلشي غير باش يدخلوه للحكومة ونال ديك الساعة منصب مكلف بالعلاقات مع البرلمان وبرد. راه اليوم كيدير نفس الشيء". قيادي اخر في حزب بوعبيد اكد ل"كود" ان "لشكر داير هاد الشي كلو واخا غير مسخر لشي جهات ولكن باغي منافع خاصة وهي تولي بنتو وزيرة. راه هاد الشي اللي باغي". المصدر قال ل"كود" "واش الحزب اللي كيرشح اعضاء المكتب السياسي فاللائحة الوطنية حزب واش الحزب اللي كيدير تجمع فالقنيطرة فيه لشكر كيحضروه 400 شخص او اقل باقي تقول عليه الاتحاد الاشتراكي". لشكر يشرح المصدر٬ باغي يفاوض وحقق اللي بغى. وفي موضوع ذي صلة علمت "كود" ان اتحاديين بعثوا رسلا ماشي لبنكيران ولكن لكل من له علاقة به باش يكولو هاداك الشي ديال لشكر ماشي موقفنا وراه كاينين اللي باغيين يدخلو للحكومة
