مسطي، وخاطف حصاير الجامع، وحاضي حوايجو!!! كون طلعت للبرلمان غادي نمشي للبرلمان بكوسطار بلا طربوش بلا شاشية بلا تشامير

عبد اللطيف اكنوش استاذ باحث في جامعة الحسن الاول سطات ////
تصورت راسي باقي شاب، ويساري كعبي و"روكًي" وشيوعي حتى للنخاع، وتقدمت للانتخابات، ونجحت وطلعت للبرلمان معا اختي نبيلة…ثم تلقيت استدعاء لحضور حفل افتتاح البرلمان مكتوب فيه: "طبقا للنظام الداخلي للبرلمان، وجب الحضور على الساعة كذا، بلباس تقليدي فيه جلابة وسلهام وشاشية وطربوش احمر..' إلى آخره…آشنو تصورت غادي ندير؟؟
خوكوم "روفيكس" كيف ماكاتعرفو، غادي نلبس كوستار عادي ديال الخدمة، وغادي نمشي بلا طربوش، بلا شاشية، بلا تشامير..,إيلى جراو عليا، نضرب ليهوم "طرر بخراششو" يسمعو العالم كولو في القنوات ديالو، ونقوود بحالي…علاش؟ آشنو حجتي القانونية؟؟
من وجهة نظري، مايمكنش تتطبقو عليا "نظام داخلي" ديال برلمان "منتهية ولايته" وانتهت صلاحيته القانونية…خوكوم في برلمان جديد، باقي مادارش النظام الداخلي ديالو الجديد..وعليه، ماحجتكم علي؟؟؟ مللي تبغيو تديرو "نظام داخلي جديد"، غادي نجي نقررد ليكوم، ونووض ليكوم القوق في الراس…
نتوما دافعو على طرحكوم، وانا ندافع على الطرح ديالي، وسدينا…آش بان ليكوم آخوتي الكًواشا؟؟؟ ! هههههههههههههههههههههههههههههههه..أنا بعدا، نكركر معا راسي، ماخاسر حتى وزة..