البيان الشوهة ديال الاحزاب ب4: ها اللي قلق بنكيران وخرج عقلو: جبدو الملك ودخلوه فالمفاوضات وهاجمو حكومتو اللي كان الاحرار والحركة فيها

بيان الاحزاب الاربعة : التجمع الوطني للأحرار، الحركة الشعبية، الإتحاد الإشتراكي، الإتحاد الدستوري، فضيحة وشوهة. مول الفكرة طلع ما فاهم والو. لكن اللي طلع لرئيس الحكومة الدم وخربق كلشي هو ان هاد البيان جبد الملك باش كتب "حرصها على المساهمة في تشكيل أغلبية حكومية تتماشى مع مضامين الخطاب الملكي بدكار، والذي نبه فيه جلالته إلى ضرورة تكوين حكومة ببرنامج واضح وأولويات محددة، للقضايا الداخلية والخارجية". هنا دخلو الملك علاش وكيفاش. مال الملك فهاد البيعة والشرية ديال الحكومة. هنا ورطو القصر ودخلوه فلعبة كان خاصو يبقى بعيد عليها.
النقطة الثانية الصعيبة هي انتقاد حكومة بنكيران السابقة اللي كان من مكونات اغلبيتها التجمع والحركة الشعبية. البيان قال انه يجب تشكيل حكومة "قادرة على تجاوز الصعوبات التي خلفتها السنوات الماضية".
هاد الشي بالاضافة الى اعطاء فكرة ان هاد الاحزاب كيدير اغلبية بوحدها دارت كاع المشاكل وخلات بنكيران يخرج ليهم بيانو