باش يختالف على بنكيران: العثماني بدا فطريق يولى بن عرفة للحزب. اولى مشاوراته غادية تشمل جميع الاحزاب حتى البام اللي كال باللي حزبو خط احمر

سعد الدين العثماني رئيس الحكومة المكلف باغي يتميز على رئيس الحكومة السابق عبد الاله بنكيران قال بانه سيشرع في بدء مشاورات تشكيل الحكومة مع جميع الأحزاب السياسية الممثلة في البرلمان. هاد التصريح قالو لموقع حزبو بعد لقاء للامانة العامة اليوم الاحد.
هاد الشي يعني انه سيلتقى٬ وفق تصريحه مع قادة جميع الأحزاب السياسية الممثلة في البرلمان تباعا، حسب نتائج الانتخابات التشريعية الأخيرة" اي غادي يبدا اولا بحزب الاصالة والمعاصرة اللي جاب 102 فالانتخابات الاخيرة ثم يليه الاستقلال فالتجمع الوطني للاحرار ووووو ويسالي بحزب نبيلة منيب.
هاد الشي ماشي مشكل غيرالقضية ان البام قبل الانتخابات كان كيقول باللي البي جي دي خط احمر اي لا تفاوض معه. العثماني فراسو هاد الشي حقاش حتى حزبو رد وقال باللي البام خط احمر، علاش غادي يدير هاد المشاورات؟
يمكن هادا هو باش نصحوه باش تعين. بغى يتلاقى مع كلشي باش يحيد لحلاوة ديال السياسة وهو انه كاين خلاف مع احزاب علاش غادي يكون النقاش معاه.
العثماني عارف راسو قودها هاد الشي علاش قال فالتصريح نفسو كلام مناقض لهذا الموقف وهو انه "عبر على اعتزازو بادا بنكيران في إدارة المشاورات السابقة لتشكيل الحكومة