حسب مصدر ديبلوماسي مغربي من نيويورك ل"كود" فان هاد العودة ما جاتش غير هاكاك. مخطط لها بشكل دقيق. مصدر "كود" قال ان المغرب كان طرد 84 عنصرا من المكون المدني للبعثة الاممية وقبل بعد المفاوضات بعودة 50 بالمائة فقط. المرحلة الاولى هي اللي رجع فيها 25 عضو "هاد العدد الكافي باش الماكينة ديال المينورسو دور". ولكن علاش قبل المغرب يرجع 17 عضوا فهاد السيمانا؟ "هاد الشي داخل فالاتفاق اللي كان تفاوض عليه المغرب مع الاممالمتحدة بالعيون. المغرب قال اللي ما صالحش يمشي فحالو وما يرجعش من المطرودين الا 50 بالمائة وبهاد 17 وصلنا لهاد النسبة. ثم هاد السبعطاش ما جاتش غير هاكاك. اللي فيه المشاكل اللي باغي الصداع تحيد" يشرح مصدر "كود". ينضاف الى ذلك امر اساسي يشرح مصدر "كود" "المغرب قلب على جوجت الامور مهمة. اولا يرجعو مع الامين العام الجديد غوتيريس وماشي مع بان كي مون =بحال شي رسالة من المغرب على حسن نيتو فالتعامل معاه٬ لكن النقطة الثانية مهمة بزاف. تتعلق بالتوقيت. مجلس الامن كيناقش قضية الصحرا فابريل. دابا مع عودة هاد 17 كاينة نقطة وحدة البوليساريو فالكركرات" يشرح مصدر "كود". دابا باش يجتمع مجلس الامن فهاد الشهر ويناقش قضية الصحرا عندو غير نقطة وحدة هي اش كدير البوليساريو فالكركرات. هادي فيها ذكاء ودهاء الديبلوماسية المغربية. خطط ليها من الاول باش يبين حقيقة البوليساريو ويظهر باللي ضد كل اشكال التوتر خاصة مع بداية ولاية البرتغالي غويتيريس على رأس الاممالمتحدة وكان المغرب عقب مباحثات عقدها مندوب المغرب بالأمم المتحدة السفير عمر هلال ورئيس بعثات السلام بالأمم المتحدة " جان بيير لاكروا " الى جانب المسؤولة عن بعثة المينورسو بالصحراء كيم بولدوك اعلن عن موافقة المغرب على عودة 17 عنصرا من المكون المدني من البعثة الأممية .
