شوف النيفو الطايح ديال السياسة والمهمة الاخرى اللي امروه ينفذها يطبع مع البام. ابن عرفة العدالة والتنمية كيستقبل ناس باش يعايرو بنكيران وهو كيثمن

ابن عرفة العدالة والتنمية كيمثل فين وصلات السياسة والحضيض اللي وصل فالسياسة. ابن عرفة العدالة والتنمية اللي ما حاكم والو دارو بيه ما بغاو وحكومتو كتشبه ليه اليوم التقى بامين عام حزب الاصالة والمعاصرة الياس العماري اللي كان معاه محمد اشرورو وعزيز بنعزوز. غير هادو تعرفو كلشي. اش دارو للعدالة والتنمية وشحال سبوه وهجمو عليه.
ماشي مشكل. المشكلة ان الياس العماري قال وفق بيان لحزبه انه عبر عن "تقديره لمبادرة رئيس الحكومة المعين، والتي كانت عرفا في الماضي قبل أن يتم التخلي عنها للأسف في الولاية الحكومية السابقة"
يعني سب بنكيران وقدام ابن عرفة. دابا اش من بلاد فالعالم كيلتقي زعيم المعارضة مع رئيس الحكومة بعد تشكيل هاد الحكومة. شكون قالها ليهم. وعلاش هاد الشي واش من مهام ابن عرفة بالاضافة الى انهم طلبو يدخلو ليه الاتحاد الاشتراكي وقبلو٬ زادوه البام.
ابن عرفة كيقتل فالسياسة ماشي كيقويها. السياسة راه فيها صراع ومضاربة وهادي هي حلاوتها مادام هاد الشي كيتم بالكلام المسموح به قانونيا