سكوب. ها مشكلة حكومة ابن عرفة العدالة والتنمية. ما حاكمش وزراؤو. وزير ل"كود": ما فهمتش علاش شي وزرا خارج المغرب والاحتجاجات فالريف

هاد الشي ما محتاج لوالو باش نعرفو باللي حكومة ابن عرفة العدالة والتنمية تجمع فيها من المشاكل ما تفرق على غيرها. لا انسجام لا تفاهم. رئيس الحكومة ما متحكمش فحكومتو. شوفو الشوهة اللي وقعات ل7 الوزرا من حكومتو اللي طلعو للحسيمة. كالو باللي الملك هو اللي رسلهم. معقولة ولكن علاش رئيس الحكومة ما كان عندو لا دور لا والو. دور باش تنجح الجولة ماشي باش يعتارض عليها.
ما تعرض له الوزراء يتحمل ابن عرفة العدالة والتنمية جزءا من المسؤولية. رئيس الحكومة من مهامه كذلك الدفاع عن وزرائه وعن صورتهم اي صورة حكومته.
مسؤول حكومي قال ل"كود" بان رئيس الحكومة اليوم ما كيدافعش على وزراؤو. وزير اخر قال ل"كود" "ما فهمتش علاش والاحتجاج فالريف شي وزرا خارجين المغرب. كاينين شي وزرا ديما خارجين. العلاقات مع الخارج مهمة ولكن الاهم هو قضايانا الداخلية. فالحسيمة مثلا قليل بزاف الوزرا اللي جاو قبل زيارة الوفد وحتى حد ما منعهم يكونو فالميدان".
مصدر "كود" لمح الى ان شخصية رئيس الحكومة عندها دور فهاد الشي "بامكانو يثير الانتباه يتحدث على هاد الموضوع" يشرح المصدر