واش هادا ماشي مس بالامن الداخلي للمغاربة؟ علاش ما يتحاكمش لعرايشي واللي دوز هادوك الصور فتقرير "الاولى" على الحسيمة وكذب على المشاهدين

ما قامت به "الاولى" وتبعها غيرها خلال تغطيتها لاحداث الحسيمة واثارتها لبيان وكيل الملك حول ما يعرفه الريف جريمة يعاقب عليها القانون. ماشي غير الهاكا اللي خاصها تحرك واخا ما بقى حد يديها فيها بعد هزيمتها المدوية امام الاذاعات الخاصة.
قناة عمومية كتكذب على لمغاربة وكتقدم صور على احداث الشغب اللي عرفها ماتش الوداد البيضاوي ضد شباب الحسيمة بملعب العرصي٬ على انها صور لاحداث الريف.
الصور صادمة مواجهات وحافلة محروقة وبناية كلها كلحة بعد ما شعلات فيها العافية. هاد الشي كولو تضليل وكذب ما عندو علاقة بمسيرات الريف. كلها تقريبا عندها علاقة بالماتش الشهير
باش دير هاد الصور وتجبد بيان وكيل الملك وتوقيف 20 شخصا يهددون السلامة الداخلية للدولة كلشي غادي يربط بيناتهم.
على هادي خاص يتحاكم لعرايشي الرئيس المدير العام. على امور اقل بكثير من هادي طارو ريوس فدول تحترم راسها. الدعاية بحال هادي كتعطي عكس نتائجها. اليوم كلشي كيدين هاد التصرف كلشي ضدو كلشي يتضامن مع عائلات المعتقلين
دابا ماشي العرايشي اللي كيهدد الامن الداخلي للدولة بهاد التقرير