صور نقل الزفزافي فهيليكوبتر. فضيحة تزيد من شعبية شباب الحراك وتشوه القضاء والفرقة الوطنية

فضيحة اش من فضيحة هاداك الفيديو الصغير اللي فيه 27 ثانية، فضيحة للقضاء للفرقة الوطنية وسبق زوين لاول واحد حصل عليه ونشرو. فضيحة حقاش كشف على تفاصيل نقل جوج من ناس الحراك، موحالش فيهم الفيزازي حقاش شكلو وحجمو باين.
كيفاش تسرب هاد الفيديو وعلاش خرج هادا هو السؤال. فالبداية دار مزيان فالواتساب ومن بعد تلاح فالفايسبوك وداز لليوتوب.
صور صادمة تمس هاد الفرقة الوطنية للي نقلات متهمين عبر طائرة تابعة للدرك الملكي. بحال هاد التسريبات غادية تزيد غير فتعاطف لمغاربة مع ناس الحراك. اللي باين انه المرة الاولى فقضية كبيرة بحال هادي ما كانش اجماع وراء مواقف الدولة. كاين للي مع ولكن كاين اللي ضد وفكلشي ماشي غير فالفايسبوك. كيقولوها برلمانيون ومسؤولون حزبيون وشخصيات من المجتمع المدني. هادي كتعكس تحول كيوقع فالمغرب
هاد الفيديو غادي يزيد يقوي هاد الفئة. هو ضربة خايبة للوكيل العام لاستئنافية الحسيمة وللفرقة الوطنية. واش غادي يتفتح شي تحقيق ولا تفتح واش لشي حاجة ولا غير يدوخو بيه الناس اليوما