شُوهة ديال التيجيني اللّي عايش فأكبر ريع.. كيفاش جايب العماري للبرنامج ديالك الفاشل باش يهضر على الرّيف ومجبدتيش الاعتقالات

التيجيني اللّي عايش فأكبر ريع اطلع غير ديكور فبرنامجو وماعارفش اشمن نوع ديال الاسئلة الصحفية لي خاصها تطرح على الضيف.
ليلة البارحة استضاف إلياس العماري الأمين العام لحزب الأصالة والمعاصرة فالبرنامج الفاشل اللّي كيقدمو "ضيف الأولى". هاد الشخص لي نزل بباراشوت على القناة جاب العماري يهضر على حراك الرّيف ومقدش يسول على أهم حاجة اللي كانت فالحسيمة وهي الاعتقالات التي طالت عدد من النشطاء في الريف.
ويبدو أنه تحاشى أن يقدم سؤال لضيفه العماري حول اعتقال ناصر الزفزافي قائد حراك الريف ورفاقه المتابعين حاليا في حالة اعتقال بسجن عكاشة ومقدش يْسوّل حتى على عملية المداهمات اللّي كان ضحيتها عائلات هاد النشطاء اللّي شدّوهوم وخرجو مئات الآلاف ديال المواطنين للتعبير عن إدانتهم لعملية الاعتقال هاته والمطالبة بإطلاق سراحهم في المسيرة الوطنية التضامنية مع "حراك الريف" يوم الأحد الماضي.