واش فراسكم استاذ جامعي فامتحان: الله تعالي فقمة الهرم السياسي المغربي تابعو الرسول ثم سبط الرسول. اكنوش ل"كود" هادا مكلخ ما فاهم والو خاصو عقاب مقاود =الوثيقة=

واحد الاستاد اسمو، محمد خريمش بجامعة الحسن الاول كلية العلوم القانونية والاقتصادية والاجتماعية بسطات. عطا سؤال غريب فمادة الانظمة الدستورية فشي امتحان للمراقبة. السيد قال بلا ما يحشم باللي الله عز وجل في قمة الهرم السياسي المغربي يتبعه الرسول وفي المقال الثالث سبط الرسو الذي يسوس الللتم ويراقبها.
واضاف اذا كان الله احد لا شريك له تتجلى وحدانيته في ايمان ووعي كل مؤمن فان حضور الرسوم يتم عن طريق خليفته في الارض جامع السلطات. وعلى ضوء هاد التخربيق طلب من تلاميذته يحللو الصلاحيات السياسية والروحية للملك وفقا لمقتضيات دستور 2011
كيفاش هاد الاستاذ توصل بهاد الشي؟
بالنسبة للاستاذ عبد اللطيف اكنوش ل"كود" هاد خينا راه مكلخ وبزاف وخاصو عقاب مقاود. حقاش ما فاهمش السؤال. واكد ل"كود" ان هاد التراتبية هي في الحقيقة "تصور المغربي العادي" للسلطة وتسلسلها، وموجودة عند بزاف ديال المنظرين منهوم: ويليام زارتمان، وأكنوش، ومحمد الطوزي…ولكن الأستاذ مافاهمش بللي هاذا غير "تصور ذاتي للمغربي متوسط الذكاء" وللي تنجز انطلاقا من بحث سوسيولوجي وقع درناه حنا مجموعة ديال الطلبة في السبعينات معا البروفيسور "برينو إيتيان"..وهاذ التصور ديال المغربي للسلطة وتسلسلها هو: "الله- الرسول- الملك- فقيه المسيد فين كايقرى المغربي- الحاج الشيباني ديال الدرب- الأب"..السلطة دايرة بحال "لاكاسكاذ" كاتنزل من عند الله وكاتهبط حتى لعند الأب أو الوالد…
ودابا واش هادا استاذ
السؤال الثاني الاستاذ خدا موقف واعتبر ان حراك الحسيمة "اجتماعي" عاد طلب منهم يحللو بناء على دولة الحقوق والواجبات واش ممارسة لحق دستوري ولا عصيان مدني. كنعرفو ناس الحراك ما عمرهم اكتفاو بللي حراكهم اجتماعي بل له مطالب اقتصادية وثقافية والسياسة فهاد الشي كلو حاضرة. علاش بغى بزز يرجعو اجتماعي.