شكون ظلم الوزير بوسعيد ولا البرلماني اللبار. ها اللي وقع

علمت "كود" من برلماني ما عندو لا مع وزير المالية محمد بوسعيد لا مع البرلماني ديال البام اللبار ان هاد الاخير هو اللي جبد الوزير. المصدر قال ل"كود" "يوم الخميس الماضي وقبل بداية اجتماع لجنة المالية بمجلس النواب دخل برلماني الپام اللبار في دردشة مع بوسعيد حول مشاكل يعاني منها اللبار بخصوص استثماراته السياحية والعقارية بفاس ومراكش" المصدر ديال "كود" اضاف "تحولت الدردشة إلى خلاف في المواقف، خاصة وأن اللبار سبق له أن هاجم بوسعيد خلال ماي الماضي عند مناقشة مشروع قانون المالية، وانتقده نواب البيجيدي لأنه يستغل اجتماع اللجنة للدفاع عن مشاريعه السياحية"
واضاف "بعدها حاول وزير المالية إنهاء الدردشة مما أغضب اللبار الذي قال لوزير المالية بأنه "موجّد ليه باش يدخل فيه في اجتماع لجنة المالية"٬ فرد عليه بوسعيد بأنه من جانبه "غادي يخرج فيه ما شي غادي يدخل فيه". فتدخل بعض نواب الپام وأقنعوا اللبار "باش يبدّل ساعة بأخرى"
واضاف المصدر ل"كود" ان هاد الجوج بيناتهم شي حسابات "اللبار سبق أن هاجم بوسعيد شهر ماي الماضي داخل اللجنة ومانساهاش