فوزير سالا مشاكلو مع النصر وكيتسناه ماتش صعيب في ديربي السعودية

توصلت إدارة النصر السعودي بالبطاقة الدولي لمحمد فوزير، لكان كاعي على مسؤولي النصر، وحلف ميتريني مع الفريق حتى اياخد فلوسو لكيتسال.
ودابا فوزير خذا فلوسو ورجع اتريني بزز منو باش اكون حاضر في أول ماتش ليه مع النصر، وغادي اكون ماتش كبير أمام الأهلي السعودي، برسم الديربي ديال السعودية.
فوزير معولين عليه النصر بزاف باش اعونهم هاد العام ودير معاهم موسم زوين، خصوصا أنه كان متألق في البطولة العربية للأندية لدازت في مصر وتختار فيها أفضل لاعب، بفضل المستوى الكبير لظهر بيه.
وغالبا فوزير مغاديش ادخل رسمي فهاد الماتش اقدر اشارك في الشوط الثاني لأنه متريناش مع الفرق بزاف ومواجدش مزيان، خصوصا أنه من نهاية البطولة العربية ملعب حتى ماتش آخر.
وعند فوزير مسؤورية كبيرة باش ارجع الثقة ديال الفرق السعودية في اللاعبين المغاربة، خصوصا بعدما ظهر سعد لكرول حتى هو كيلعب في النصر، بمستوى ضعيف، ودابا الفرقة باغين افسخوا معاه، داكشي علاش فوزير خصوا كون مزيان باش السواعدة ميفقدوش الثقة في اللاعبين المغاربة وتعاقدوا مع لاعبين آخرين.