المغرب متبع سياسة الصين مع تايوان. الملك حاضر للقمة الافريقية الاوربية والاتحاد الاوربي: ما معتارفينش بالبوليساريو وها المفاجئات اللي موجدها للجميع فهاد القمة

الاتحاد الاوربي واضح. اييه فرحانين بالقمة الافريقية الاوربية اللي غادية تنعاقد فابيدجان بالكوت ديفوار ولكن هاد الشي راه ما كيعنيش الاعتراف بالبوليساريو. هادا ما عبرت عنه كاثرين راي المتحدثة باسم الممثلة العليا للسياسة الخارجية والأمنية بالاتحاد الأوروبي عندما اوضحت وفق ما نقلته "اوربا برس" ان موقف الاتحاد الأوروبي من "عدم الاعتراف" ب"الجمهورية العربية الصحراوية" لن يتغير.
المسؤولة الاوربية تجنبت الخوض في الجدل حول مشاركة الجبهة الانفصالية من عدمها في قمة الاتحاد الإفريقي والاتحاد الأوروبي٬ وقالت إن "المشاركة في هذه القمة، ومثل أي حدث عالمي من هذا النوع، لن يشكل تغييرا في موقف الاتحاد الأوروبي المتمثل في عدم الاعتراف بالجمهورية العربية الصحراوية الديمقراطية".
ومرت بالكرة داخل الاتحاد الافريقي عندما اوضحت "الاتحاد الإفريقي هو الذي يستضيف القمة وهو المسؤول عن وضع "قائمة المشاركين فيها".
لمغاربة مشاو عند "جون افريك" وقالو ليها باللي المغرب مشارك والملك محمد السادس غادي يكون حاضر واخا داروها بلغة غير يقينية. المغرب قال باللي تكون البوليساريو ما تكونش مشاركين.
فرانسا هي اكثر الدول رفضا لمشاركة البوليساريو فهاد القمة.
علاش المغرب غادي يشارك فهاد القمة؟ اولا المغرب متبع سياسة الصين مع تايوان. ماشي معيق لبيكين تكون حاضرة فشي ملتقيات دولية كتشارك فيها تايوان. ينضاف الى ذلك ان المغرب موجد مفاجئات فهاد القمة اللي كتهدر على الاستثمار والهجرة والارهاب. باغي يبين للاتحاد الاوربي باللي الرباط مشات بعيد فشراكة جنوب جنوب من خلال مشروع "كوكودي" وسط العاصمة الايفوارية. فهاد المشروع بحي بلاتو قبالة ملعب فيليكس هوفتويت بوانيي كاين صور المغرب والكوت ديفوار واشارة الى هاد الشراكة.