بشحال طلع القمر الصناعي المغربي وشكون خلصو وها دور لادجيد فالعملية

اصدرت المجلة المختصة في الاقتصاد و الأعمال « Economie Entreprise » مقال عن القمر الصناعي » محمد السادس« بقلم الصحفي غسان وائل الكرموني. في هذا المقال تم التطرق خاصة لي الدور الخفي ديال هاد القمر و كفاش تم تمويله.
وبحسب المعلومات المنشورة في المجلة, مهدي برادي لي هو الكاتب العام ديال المديرية العامة للدراسات والمستندات »لادجيد «, كان حاضر مع الوفد المغربي يوم إطلاق القمر الصناعي فغويانا الفرنسية, واخا الإعلام المغربي مهدرش عليه بتاتا. مضيفتا أن الحضور ديال برادي ما هو إلا دليل على الدور الأمني, و المخابراتي, و العسكري لي غيلبعبو القمر » محمد السادس« بالإضافة إلى دوره المدني الرسمي.
أما بالنسبة للتمويل, فأشار المصدر ذاته إلى أن الوكالة الوطنية للمحافظة العقارية والمسح العقاري والخرائطية لي كيترأسها كريم تاجموعتي هي لي شرات القمر و البنك الشعبي المركزي هو لي تكلف بالترتيبات ديال الصفقة. كما كذبت المجلة الإشاعات لي كتقول أن الإمارات و فرانسا و الولايات المتحدة هما الممولين.
واخيرا أكدت المجلة على أن القمر كيسوى الثمن ديالو (6 مليار درهم) حيت غادي يمكن المغرب من ترسيخ المكانة الجيوستراتيجية ديالو.