بوسعيد وزير المالية عن تعويم الدرهم ل"كود": إصلاح نتحكم في سيرورته وغادي يقوي مناعة الاقتصاد وحنا ديما كنقولو كنخدمو غير برجل وحدا وها علاقتي بالجواهري

في أول خروج إعلامي له، عقب قرار الحكومة اليوم الجمعة باعتماد صرف جديد للدرهم، أو ما يعرف أيضا ب"تعويم" أو تحرير العملة، قال محمد بوسعيد، وزير الاقتصاد والمالية، في تصريح ل"كود"، أن هاد القرار هو بمثابة "إصلاح مزيان لصالح البلد".
وأضاف وزير المالية، ل"كود"، قائلاً: "هاد الإصلاح نتحكم فيه وفي السيرورة ديالو وغادي يقوي مناعة الاقتصاد ديالنا فاتجاه الخارج ونواصلو مسيرة انفتاح الاقتصاد وغادي يكون نوع من المرونة وبلادنا عندها كل الظروف المواتية والملائمة لهذا الإصلاح من جيل جديد وغادي نواصلو مسيرة الانفتاح الاقتصادية".
وتابع بوسعيد: "السياسة النقدية فالعالم خاصها تمشي مع السياسة الميزاناتية وحنا ديما كنقولو كنخدمو غير برجل وحدا وحنا عندنا احتياطي الصرف مهم وعندنا اصلاحات كبرى وعندنا كل الضمانات وهاد الاصلاح غادي يكون ناجح ودبا كولشي ميسر له".
وبخصوص المعركة اللّي كان بينو وبين الجواهري والي بنك المغرب، أوضح بوسعيد بالتأكيد: "مكاينش معركة كاع ونخدم بتنسيق تام وفي إطار اختصاصات ديال كل واحد".