بالفيديو: سولنا لمغاربة على ركعة الاستوزار ديال امزازي وزير التعليم: شوهنا وحشومة ف2018 هاد الشي كاين وما عرفتش اش كيدير وزير قرا ولادو فديكارت فهاد الوزارة

خرجات "كود" تسول الناس كيفاش شافو الإنحناء ديال وزير التربية والتعليم الأخير أمام الملك، وكيفاش تيبان ليهوم كشخص على رأس الوزارة؟
كلشي بدا تيضحك مجرد سمعو الموضوع، وقال احد المتدخلين اننا في غنى عن مثل هذه الحركات وحنا فسنة 2018، واتفقو على ان هذ الإنحناء دار حالة فالفيسبوك وكلشي ضحكو.
ورجح احد المواطنين أن الفرح كان وراء السبب، ويضيف رغم ذلك بحال هذ الإنحناء ماشي في محلو، وقال أحد الطلبة السابقين في احد كليات جامعة محمد الخامس، ان سعيد امزازي كرئيس جامعة ما خصوش يبان بديك الصورة لأنها تعكس شي واحد ما عندو النيفو.
واستغربت شابة خريجة جامعة محمد الخامس بالرباط تعيينه "كيفاش امزازي يشد وزارة التعليم وهو ما تايقش في التعليم الحكومي وقرا ولادو في "ديكارت" مؤسسة تابعة للبعثة الفرنسية، واضاف باللي أنه متوظفش اعتباطا بل توظف باش يساير الغاء مجانية التعليم، لأنه أصلا لاغي مجانية التعليم قبل الحكومة على طلبة جامعة محمد الخامس.
وتيبان لأحد الطلبة انه تيستاهل المنصب حقاش هو رجل في الضومين.