اول مرة گال ابن عرفة كلام صحيح: ليس هناك حكومة برأسين”. عندو الحق حقاش هاد الحكومة ما عندهاش كاع الراس والدليل باش خلعو لشكر فاجتماع سابق للاغلبية والدليل ما فراسوش اش كيوقع فيها

خلال كلمته اثناء التوقيع على ميثاق الاغلبية المكونة من ستة احزاب نفى رئيس الحكومة ان تكون حكومته تسير براسين. كيقصد ما يثار ويكتب عن وجود رأس ثانية ممثلة في رئيس التجمع الوطني للاحرار عزيز اخنوش٬ واضاف ابن عرفة “هناك حكومة واحدة برئيس حكومة واحد عينه جلالة الملك. ايلى كان شي حد عينو شي واحد ما معتارفينش بيه راه ما يمكنش نقبلوه”.
ثم تحدث باللي هاد الشي ما خاصوش يخلي تكون بيناتنا “قلة ادب”” حقاش “كل واحد عندو مكانتو الدستورية والقانونية” واضاف “حريصون على القيام بعملنا باخلاق وبرفعة ادب”. اش بغى يقول؟ هنا تقريبا كيمعني على تصرفات الكاتب الاول لحزب الاتحاد الاشتراكي ادريس لشكر في اجتماع سابق للاغلبية للي بغى يغوت حتى خرج مصطفى الرميد محتجا وبسباب غواتو للي خلع فيها الامين العام للعدالة والتنمية دار بنكيران رئيس الحكومة السابق هاديك الكلمة النارية فمؤتمر شبيبة حزبه.
هناك ابن عرفة عندو الحق. الحكومة ماشي براسين وراها حكومة بلا راس كاع. ما عندهاش الراس وللي كيفكر فيها وخلينا من لكلام لكبير اللي كضحكو بيه على ريوسكم قبل لمغاربة٬ من المكانة الدستورية والقانونية لرئيس الحكومة.