البقالي فرش كلشي. النقابة ماشي طرف فقضية بوعشرين وما عينات حتى محامي. رحاب بحال حامي الدين غير كل واحد كيناصر جهة

تدوينة لنقيب الصحافيين المغاربة عبد الله البقالي فرشات كلشي. شي اعضاء فالنقابة لاعبين على جميع الاحبال فقضية بوعشرين. سياسية ونقابية وحقوقية. النقيب كتب “النقابة الوطنية للصحافة المغربية ليست طرفا في محاكمة الزميل توفيق بوعشرين حضرت النقابة الوطنية للصحافة المغربية الجلسة الأولى لمحاكمة الزميل توفيق بوعشرين التي انعقدت صباح اليوم بالدارالبيضاء بصفة ملاحظ فقط ، و ليس في علمنا أن أجهزة النقابة انتذب محاميا في هذه القضية . و يظل مرجعنا في هذا الإطار هو البلاغ الصادر عن المكتب التنفيذي بتاريخ فاتح مارس”.
تواجد حنان رحاب فالمحاكمة زاد فهاد الالتباس. السيدة نائبة برلمانية عن “الاتحاد الاشتراكي” ولات مدافعة شرسة على المشتكيات والمصرحات. قالت كسرت جدار الصمت. مزيان ولكن علاش ما تكسرش فقضية لمجرد وسليم الشيخ ودانيال كالفان. شكون اللي خلاك تكسريه.
تصرفها بحالو بحال تصرف حامي الدين ديال البي جي دي. غير هو فجهة وهي فجهة اخرى. بجوج كيخربقو وبجوج كيضربو بشكل من الاشكال قرينة البراءة. ما عرفناش شكون الضحية وشكون الجاني دابا. حتى يخرج الحكم ونشوفو