احداث جرادة. المواجهة بين الدولة والجماعة بدات. العدل والاحسان: شدو لينا البشير عابد عضو مجلس الشورى هاد الصباح وهاد الشي غادي يدخل لبلاد فنفق مظلم

قالت جماعة العدل والاحسان ان عضو الامانة العامة ومجلش الشوى قد اعتقل هاد الصباح الخميش 15 مارس بعد عودته من صلاة الصبح. الجماعة وظفات عبارة “اختطاف” كاع. واضافت باللي 7 دارو بيه. طبعا اعتبروا الاعتقال او التوقيف ضمن “الانتكاسة الحقوقية التي يعرفها المغرب” و”تحول خطير يريد إدخال البلد في نفق مظلم”
وحملت الجماعة الدولة مسؤوليتها. هي سماتها “النظام المخزني” وطالبوا باطلاق سراحه
هاد الشي اكيد عندو علاقة باحداث جرادة اللي شهداتها المدينة البارح. اعتقالات وتدخلات واصابات بين الجانبين.
الداخلية كانت تحدثت البارح عن تدخل امني لمنع تنظيم ما سمته “جميع الاشكال الاحتجاجية” وانه بعد تنظيم اعتصام بمحيط الابار المهجورة وان هاد الشي خلف اصابات في عدد من القوات العمومية بعضها اصابات بليغة واحراق 5 سيارات.
الدولة كتحمل المسؤولية فهاد الاحداث لتيارات منها العدل والاحسان وهاد الاخيرة خرجات بيان اكدات فيه على السلمية اي انها معاه وتحركات فيه ولكن ما ضربو ما حرقو. هاد الشي اللي قالت