الطاكسيات بركاو شيفور كريم فالدار البيضاء وملخوه عصا وسبو البشار وحبسو الطريق والبوليس بقا يتفرج

صحاب الطاكسيات ضسروا بزااف… والبوليس ديال دائرة غاندي بقا غير كيتفرج على حادثة اعتداء صحاب الطاكسيات على سائق سيارة خاصة خدام في مجال نقل الأشخاص بواسطة التطبيقات الذكية.
الحادث وقع على الساعة التاسعة والنصف من ليلة الثلاثاء، ملي جاو بزاف ديال الطاكسيات وبراكاو السيارة ديال تطبيق “كريم” على الطريقة الأمريكية، وحبسوا الطريق بالقرب من مطعم لويدجي بالقرب من شارع آنفا والمسيرة، وبداو كيسلخو في السائق بدون وجه حق.
صحاب السائق ديال كريم جاو ملي سمعوا خبار الإعتداء على السائق، وترونات القضية وجا البوليس وفرقة الدراجين وما قدروا يديروا والو.
النقابيين ديال سائقي سيارة الأجرة، ومعظمهم مستواهم الدراسي على قد الحال، ما خلاوش فحقهم تاهوما وحتى الصحافة وبداو كيسبوا فيهوم ويتهمهوم فالشرف ديالهوم قدام البوليس لي رفض يتدخل رغم استنجاد الصحافة بهاد رجال الأمن.
المهم شيافر الطاكسيات والنقابيين ديالهوم دايرين ما بغاو… وأمام رجال الحموشي… وهادو بقا ليهوم غير يحتلو شوارع المدينة