وا هيا ناري.. مغربية شعلات العافية فدارها وذبحات بنتها وانتاحرات فالطاليان (صور)

ذبحات مغربية أربعينية بنتها الي فعمرها 18 عام، وشعلات العافية فدارها ، ونتاحرات عن طريق رمي نفسها من البالكون لي كاين فالطابق الرابع ديال العمارة فين ساكنة، فبلدة “تشيكينا” جنوب العاصمة روما لبارح الأحد.
وفتفاصيل الفاجعة، قالت وكالة الأنباء “أنسا” الإيطالية، نقلا عن جيران الأسرة المغربية، أن العلاقة بين الأم وابنتها لي كانو ساكنات بوحدهم، مكانتش مزيانة فالفترة الأخيرة، وديما كانو كيتخاصمو وكيسمع غواتهم الدرب كامل، لكن مع ذلك، عمر شي واحد مكان كيتوقع توصل الأمور لهادشي لي وقع.
وفور علمها بالحادث، جات فرق الإنقاذ لعين المكان، لكن مقدرات تدير تاحاجة ،حيت لقات الأم لي فعمرها 42 عام ميتة قدام العمارة ، ولقاو بنتها جثة هامدة غارقة فدمها بعدما طعناتها الأم فعنقها ، وباشرات عناصر الأمن تحرياتها للكشف عن ملابسات الفاجعة ، والوقوف على الأسباب الكامنة وراء إقدام هاذ المهاجرة على قتل بنتها و الإنتحار بهاذ الشكل.