علاش الباجو والسول والسارغو دايرو گرون فالسوق فرمضان. رئيس فيدرالية الصيد البحري فالباطرونا ل”كود”: الشناقة كيضاعفو الثمن 4 مرات وثمنو ما خاصوش يفوت ربعميادريال

علاش الحوت كيغلى فرمضان؟ حقاش الشناقة كثار. الوسطاء كثار. هاد الشي معروف. وقع فالسردين ومن بعد نقص ثمنو. السردين اللي عزيز على لمغاربة حقاش فمتناول الجميع كيخرج وفق جواد الهلالي رئيس فيدرالية الصيد البحري داخل الاتحاد العام لمقاولات المغرب ل”كود” كيبيعو المجهز اي اللي كيصيدو من البحر من خمسين ريال حتى لستين ريال ويقدر يوصل لسبعين ريال. وفق المصدر نفسه فان وزارة الصيد البحري باتفاق مع الهيئات المهنية اتفقو باش يسهلو المامورية على المستهلك ويبقى فمتناول الطبقة الشعبية “هاد الشي علاش المجهز كيدير كلشي باش يبقى الثمن رخيص”. طبعا هاد الشي فيه نقل السمك ووووو
دابا المجهز كيبيع لوسطاء والثمن كيتضرب ف4 المرات “الشناقة كيغليو السوق. كيبقى يدوز من يد ليد والمستهلك كيوصل ليك باثمنة غالية بزاف.
مصدر “كود” اكد انه ماشي غير السردين اللي كيوقع فيه هاد التشناقيت. الباجو الصغير والصول الصغير والسارغو اللي كيوقع عليهم اقبال كبير فالمغرب حتى هما كيوقع فيهم ما يوقع للسردين. هاد الاسماك كتباع ب10 دراهم حتى ل11 درهم يعني ايلى غلى بزاف ما خاصوش يفوت 20 درهم وكتوصل للسوق ب60 وحتى ل70 درهم.
الحل اللي كيقتارحوه المجهزين هو يقللو من الشناقة. كيفاش؟ تولي نقط للبيع وما يبقاوش الوسطا كثار والثمن يرخاص بزاف بزاف. نقط بيع فالمدن. يبقاو يتكلفو بالعملية كلها من الانتاج حتى توصل للمستهلك