خاص. مودنديال 2026. لمغاربة خايفين من خسارة مذلة وشي كيقلب على نخرجو راسها مرفوعين

علمت « كود » ان لجنة المغرب مونديال 2026 عقدت صباح اليوم اجتماعا بفندق «ميتروبول » وسط العاصمة الروسية موسكو اذ قدم رئيس اللجنة مولاي حفيظ العلمي والوفد المرافق له ل »الويفا » الاتحاد الاوربي لكرة القدم تفاصيل عن الملف المغربي. هاد الملف يحضى بدعم كبير من الاتحاد الفرنسي لكرة القدم. وفق مصدر « كود » فان هاد الاتحاد خدم بزاف بزاف باش يقنع الاتحادات الاوربية بالملف المغربي.
هاد الاتحاد تقريبا منقسم بين مؤيد للمغرب ومؤيد للملف الثلاثي الامريكي الكندي المكسيكي. لكن يبدو ان الاغلبية مشات مع امريكا.
البارح لمغاربة تلاقاو ف »كراون بلادزا » مع اعضاء الاتحادات الافريقية. هادو اللي فيهم 54 صوت غاديين ويمشيو للملف الامريكي.
البارح لمغاربة كانو كيقولو باللي عندهم شي 70 صوت. اليوم وفاللقاءات اللي دراتها « كو » باين العدد اقل. الهزيمة كتحس بيها غير واش غادية تكون مشرفة ولا مذلة.
غدا فالصباح غادي يكون التصويت فمؤتمر الفيفا. كل ملف خاصو يجيب 104 صوت ايلى ما جابو حتى حد غاديين ندوزو للدور الثاني. طبعا هادا نظري وصافي ولكن الامريكيين واثقين واعلامهم اللي كاين هنا متأكد بالفوز.