السعودية تعلن الحرب على المغرب فموسكو. دارت لفطورات ولعراضات باش تدعم الملف الامريكي لمونديال 2026 وصحافي نيويورك تايمز ل”كود”: الماتش قاسح ومازال ما تحسمش وممكن مفاجئات

“ايلى المغرب خسر تنظيم كأس العالم 2026 غادي يكون بسباب السعودية” هاد الشي اللي قالو مصدر ل”كود” فموسكو. المصدر اضاف ل”كود” لجنة مونديال 2026 دارت خدمة واعرة. غير ما يمكنش تتحارب مع امريكا وتنوض ليك السعودية”.
حسب معطيات حصلت عليها “كود” فان المغرب كان ضامن اصوات اتحادات اسيا المسلمين. كان الشي جا بعد قرار المؤتمر الاسلامي بجدة٬ لكن كلشي تغير. ماشي حقاش السعودية اعلنت تصويتها على امريكا ولكن حقاش السعودية البارح الاثنين دارت فطور لعدد من اعضاء الاتحادات الاسيوية المسلمين”.
السعودية قنعات دول كثيرة وفق مصادر ل”كود” هنا فموسكو باش يكون التصويت على بلادهم.
الوفد المغربي هنا متفائل بزاف. كاين اللي كيتحدث على ضمان 70 صوت لحد اليوم 11 يونيو 2026. حتى الصحافي الامريكي فنيويورك تايمز طارق بانجا اللي تلاقاتو “كود” ففندق “ميتروبول” وسط موسكو واللي متبع هاد الموضوع قال ل”كود” “الماتش مازال ملعوب. مفتوح على مفاجئات كثيرة” زميل له في نفس اليومية كان حاسما في نقاش جرى معهما بالفندق نفسه كان متيقنا بفوز الملف الاميريكي.
حتى هما كيعتابرو ان دور السعودية كبير ويقدر يكون حاسم. لغدر واش كيدير ديال محمد بنسلمان ورباعتو.