واش الهاكا خرقات القانون البارح باش عطات تراخيص وناقصهم عضو اللي ولى وزير؟

منحت الهاكا =الهيئة العليا للاتصال السمعي البصري= البارح رخص لقنوات جديدة مع اذاعة ل”هيت راديو” لصاحبها يونس بومهدي. الاذاعة للثقافة والفن اسمها شمس موجهة للشباب في المناطق الجنوبية٬ اما القناتان بجوجهم فضائيتان وحدة للاكتشاف والوثائقي والثانية للاطفال.
هاد الترخيص جا بعد فتح الهاكا المجال لقبول الملفات.
اللي وقع ان اللي عطى الترخيص هم حكماء الهاكا اللي قانونيا فيهم 8 الاعضاء شي كيعينو الملك وشي كيعينو رئيس مجلس النواب وشي كيعينو رئيس مجلس المستشارين وشي كيعينو رئيس الحكومة. بالاضافة الى الرئيس=الرئيسة= اليوم اللي كيعينها الملك.
هادو اللي خداو القرار ديال منح القناتين والاذاعة كانو ناقصين غير 7 حقاش عضو منهم ولى وزير هو محمد اوجار وزير العدل. فالحقيقة قبل ما يولي وزير وبلاصتو خاوية. نهار تعين سفير للمغرب في الامم المتحدة بجنيف والمقعد التاسع خاوي.
غير ان هاد الشي ما كيؤثرش على هاد القرار. علاش؟ اولا القرار كيكون بالاغلبية وهاد الشي اللي تم فمشاريع يونس بومهدي كيف تنشر وكيف اكدو مصدر ل”كود” وثانيا حقاش اوجار كان ممثل للحكومة والحكومة عندها ممثل اخر كاين دابا ضمن اعضاء حكماء الهاكا.
يعني ان القرار ما فيه حتى مشكل. بالاضافة الى انه ماشي اول مرة كيوقع هاد الشي. باش كان الراحل محمد الناصري عضوا فالهاكا ما بقاش باش تعين وزيرا للعدل وتخادو قرارات وكانت قرارات قانونية