وزير العدل بين ضعفو عاود ثاني. من غير الفضائح اللي وقعات فالاعتقالات شاب حشمو: واش انتوما حكوم ولا عصابة

هادا محمد اوجار اللي هداوه وزارة اكبر منو بزاف اللي هي العدل وطاح فاول امتحان متعلق بما حدث في الريف وما اكده حقوقيون ومحامون وعائلات معتقلي الحراك من خروقات من الاعتقالات الى المتابعات اليوم بين على ضعفو فطنجة. اولا بين باللي حزب تابع للبام ماشي حزب من مكونات الاغلبية الحكومية حقاش قبل يشارك فمناظرة حول الحسيمة ورئيس الجهة الياس العماري اللي منظم الحدث سب الحكومة فالتلفزيون قبل يومين.
هاد التزقزيق ديالو خرج عليه باش وقفو شاب من الحسيمة وقال ليه "واش انتوما حكومة ولا عصابة" بغاو شي اغبياء وشي ناس يحبسوه جا شاب اخر وطرح نفس السؤال ومن بعد خلاوه وكررو. اوجار اكتفى بابتسامته الماكرة وبعد ان كرر الشاب سؤاله اكثر من مرة رد عليه حاشا نكونو عصابة. وبغى يمشي الشاب قال ليه اذن حنا انفصاليين حقاش قلتو باللي حنا انفصاليين في اشارة الى تصريح رشيد الطالبي العلمي اللي خرج بعد الاجتماع الشهير مع وزير الداخلية عبد الوافي لفتيت واتهم اصحاب الحراك بالانفصال.
بعد هاذ الملاحظة الوزير اللي كبر عليه وزارة العدل شرا السلة بلا عنب. الخوف اش كيدير واش هادو هما اللي غادي تعول عليه الدولة. امي يا مي