وخاص لمغاربة يقاطعوهم هادو. ليبيوط د”لارام”: ياخدو 15 مليون للشهر وركعو ادارة فاشلة ضعيفة تعطيهم زيادات ما بين 5 و3 الاف درهم

الاتفاق اللي وقعاتو الخطوط الملكية المغربية مع جمعية ربانبة الخطوط الملكية المغربية كيبين كثير على هاد المغرب اللي كنعيشو فيه. وحدين الفقير فيهم كيمشي فطونوبيلة ثمنها 150 مليون سنتم واللي كياخدو رواتب تقدر توصل 15 مليون للشهر اي ليبيلوط طلبو زيادة وهي السبب الاساسي للاضراب اللي داروه. طبعا مع ادارة ضعيفة لهاد الشركة فشخص عدو ضحكو عليه وقولبوه.
وفق ما نشرت “لوديسك” بخصوص تفاصيل الاتفاق فان صاليرات ليبيلوط غادية تعرف زيادة من شهر نونبر المقبل. هاد الزيادة لكبيرة غادية تشمل كل ربان على حساب الطيارة اللي كيطير بيها. فيها 5175 درهم صافية لربابنة طائرات بوينگ 747 ودريملاينر B787 وبيونگ 767. و4500 درهم صافية لربابنة بوينگ 737 وايمبراير 190 وما بين 3450 درهم و3000 درهم لليزوفيسيي بيلوط دو لين.
عاد اساليب اخرى بحال نظام دعم الرواتب لبعض الربابنة.
الاتفاق وفق “لوديسك” هم 7 المواضيع منها: التكوين والتوظيف وظروف العمل وتدبير المسار والتأمين والحماية الاجتماعية والزيادة فالرواتب وشي تخربيقة سماوها تسهيلات وتحديد منافذ ترشيد التكلفة.
طبعا باش يكون شي حد ما عندوش الكبدة على لبلاد ويتلاقى مع مدير فاشل جابوه لاسباب كلشي كيجهلها لحد الان فالنتيجة تكون هي هادي