بالفيديو والصور. قبل ماتمشي بحالها من مراكش مادونا دارت جلسة تصوير مع مصور ومصمم مغاربة

تزامنا مع تواجدها فمراكش باش تحنافل بعيد ميلادها الستين، تلاقات مادونا بالمصور المغربي حسن حجاج الي سبق ليه صور الممثل الامريكي المعروف “ويل سميت “، ودارت معاه جلسة تصوير داخل الرياض ديالو.
ولبسات مادونا فهاذ الجلسة أكسسوارت امازيغية زوينة، من بينها الي مصممها المغربي امين بندريوش، بحال “الكوليي” الي لابسة بنتها “ميرسي جايمس” في الصورة اسفله.
في اللوك ديالها، خلطات مادونا بين التقليدي والعصري عبر علامات تجارية معروفة مطبوعة على أزياء مغربية امازيغية .
ونشرت مادونا، على حسابها فموقع التواصل انستگرام مقطع من حصة التصوير لي قالت انها بغات من خلالها تكرم المراة المراكشية.