سياسي من الحركة الشعبية باغي يشعل ثورة ماء فالقصر الكبير باش يتسما بطل وها تفاصيل التحقيق في القضية

علمت كود من مصادر مطلعة أن التحقيقات الأولية في قضية انقطاع الماء عن ساكنة القصر الكبير ، أفرزت معطى مهم هو أن المكتب الوطني للماء والكهرباء أقدم على تخفيض إمداد القصر الكبير بالماء على مرتين، قبيل العيد يوم الأحد والاثنين .
وبحسب ذات المصادر فإنه خلال يومي الأحد والاثنين طلبت مصالح المكتب الوطني للشرب من مستخدم الوكالة المستقلة للماء والكهرباء المناوب في خزان القصر الكبير خفض قناة الإمداد.
الهدف من خفض الإمداد ،بحسب المتحدث نفسه، كان بحسن نية، زعما توفير المياه للعيد لكن تزامن فترة الخفض مع العطلة أحدث ارتباكا لدى الناس يومين قبل العيد، ومشا الخبار فالمدينة أن الماء قليل، كلشي ذاك الساعات ولا كيعمر ويخزن الأمر الذي زاد الضغط على الشبكة ، اضافة الى أن بعض مقاطع القناة التي تزود القصر الكبير بالمياه من السد صغيرة، كين 12 متر لا تتجاوز قدرتها 200 لتر فالثانية يعني لونيب واخا زادت نهار العيد بعد ما وقع المشكل الامدادات و صلاتهم ل 250 لتر فالثانية، فالحد الأقصى الذي تتحمله قناة الإمداد بقا ف200 .
دابا لونيب، بحسب مصدر كود، كتنكر أنها طلبت من الوكالة خفض الإمداد يومي الأحد والاثنين السابقين للعيد ولكن راه كين سجلات الهاتف إذا بغاو يوصلولها وكين سجلات الامداد اللي كاتبين إنخفاض الإمداد من 175 لتر فالثانية إلى 130 لتر فالثانية
دابا تحت ضغط السياسيين والعمالة يتم البحث عن اكباش فداء داخل الوكالة.
وطبعا هنا فاش تدخل السيمو ديال الحركة الشعبية ودار زوبعة باش يسبها في إطار واحد مشكلتو انه كاتب جهوي دالعدالة وبحسب تحريات كود كلام سيمو على ان العدالة مورا هادشي غير صحيح داك إطار اولا كان في عطلة مدخل الا مورا العيد والبيجيدي عندهوم من أصل مئات المستخدمين 2 ولا 3 خدامين فلاراضيل وكلشي عارف ان لي تيتحكم فلاراضيل هو سيمو حيت واحد نهار في اتصال واحد قدر يعاود يعين مدير واحد وكالة كان تعفى وفي 24 ساعة دارو عاود قرار التعيين. وهو ما يعني ان بلاغ اتهام السيمو لقيادي في البيجيدي مخدوم وبغاو فيه الخدمة والسيد بغا يدير الفتنة فالبلاد وباش يتسما بطل .
في ذات السياق وبحسب معطيات جد دقيقة حصلت عليها كود يوم الاثنين صباحا الإنتاج ديال اونيب انتقص من 175 لتر فثانية ل 130 لتر فثانية وطلع ل 250 لتر فثانية مساء يوم العيد اي بعد احتجاجات الساكنة ، والحديث عن انقطاع الماء بشكل كلي غير صحيح كان ونقص وصل شي احياء وموصلش شي احياء وشي احياء حدو السفلي وهاظشي عندو علاقة بلاطبوغرافي ديال المدينة اماكن طالعة وأخرى منخفضة