گولوها الممرضة هي داوات الوزير يتيم باللمسة ماشي بالنظرة. وزير على سبة غير قاصتو مروضة فرجليه تزعط فيها وها وقتاش خطبها وها شكون حضر. الاسلامي تمتع بيها وتمتعات بيه فباريس وحللو اللي كيحرمو على لمغاربة

محمد يتيم القيادي في العدالة والتنمية حالة فريدة فحكومة بنعرفة. دخل للحكومة بلا ما يرد ليه شي حد لخبار وولى وزير الشغل فغفلة من كلشي. ديما صانع الحدث. بتعليقاتو الغبية وتدويناتو المضحكة احيانا. دابا يتيم متيم فحب مروضته ومدلكته. عقلتو على هاديك الضربة اللي تضرب فيها. عوض يجيب مروض ولا مدلك مختص يمسد ليه جاب مدلكة. بنت سلا فالثلاثينات وبوها موظف بسيط وفق مصدر ل”كود”.
هاد المدلكة اللي كانت كتدخل للدار باش تمسد ليه تزعط فيها. الزعطة كانت كبيرة. السيد محتاج بزاف بزاف.
المشكلة ان يتيم ما بقاش يصبر. حتى باش مشى لباريس دا معاه بنت سلا. يعني السيد تمتع بيها وتمتعات بيه وتشادو فاليدين فشانزيليزي. دار داك الشي اللي كيحرموه خوتو الاسلاميين على لمغاربة. وجابها شابة وما دايراش الدرة.
للاشارة ووفق مصدر “كود” فان الخطبة دارت فشهر يونيو اللي فات وباللي حضر ليها بعض صحابو وكلاو وشربو. يمكن بعد هاد الخطبة طار لباريس لشي نشاط وتماك تصور