اخنوش: المغرب الاخضر غطى حاجياتنا كاملة من الخضر والفواكه والحليب واللحوم والدجاج

الفلاحة كتخدم 40 بالمائة من الساكنة النشيطة ووهي خزان وعر للتشغيل وفق ما اكده عزيز اخنوش وزير الفلاحة والصيد البحري والتنمية القروية والمياه والغابات في لقاءه اليوم بمراكش مع المهنيين ديال القطاع. اخنوش اوضح باللي خاص الاستقرار ديال الشباب فالعالم القروي باش تخلق الثروة والخدمة
اصلاح الاراضي الزراعية من الاولويات باش يتحقق هاد الشي٬ وطالب اخنوش بانه سيتم “تقديم جرد للمكتسبات بمنطق تشاركي ورؤية مندمجة، للعمل على تأسيس أرضية للنقاش”
وذكر اخنوش بنتائج مخطط المغرب الاخضر بعد عشر سنوات. هاد الشي اثر على “طبيعة النشاط الفلاحي” واكد ان القطاع “عرف إصلاحات مؤسساتية مهمة ساهمت في ترسيخ اللامركزية” و”إصلاحات تشريعية وقانونية”
العصرنة والتطوير خلات فلاحتنا مزيانة خلال عشر سنوات من مخطط المغرب الاخضر٬ اذ “تطور الناتج الداخلي الخام للقطاع الفلاحي بمتوسط نمو سنوي قدره 5,25٪ ليصل ل125 مليار درهم في 2018، أي بزيادة 60٪ مقارنة مع سنة انطلاق المخطط”
وتحسن الانتاج والمردودية وتم الانفتاح على اسواق جديدة وتضاعفت “قيمة الصادرات الفلاحية بين عامي 2008 و2017 لتصل إلى 33 مليار درهم”.
واستفاد من هاد الشي مليون و 100 ألف مستفيد” ثلين منهم من مزارعين وكسابين و مستثمرين٬ حقاش لقاو “الدعم والتمويل لمشاريعهم واستثماراتهم، على امتداد 10 سنوات الماضية”.
مخطط المغرب الاخضر خلى لفلاحة “مساهما رئيسيا في التشغيل ببلادنا بنسبة 40٪ على الصعيد الوطني” كيخلق ما يعادل 250.000 وظيفة إضافية وخلى الدخل المتوسط للفلاحين يضاعف وخلى المغرب يغطي حاجياتو الغذائية بنسبة 100 بالمائة بالنسبة للفواكه والخضروات وما بين 98 الى 100 بالمائة للمنتجات الحيوانية: الحليب واللحوم والدجاج وحوالي 50 ٪ للحبوب والسكر”