علاش كلشي باغي اخنوش يشملو الزلزال. راه ماشي حقاش محسن فكري تطعن خاص الوزير الوصي يتزلزل. المزلزلون رسميا ما داروش خدمتهم بعد "طحن مو" ولوزير بحالو بحال الرباح والتوفيق نفذو للي وقعو عليه قدام الملك

فالتواصل الاجتماعي فالنقاش الفايسبوكي وحتى فالنقاش فالقهاوي وبين الاصدقاء فديورهم ولا خارجها وفالتلفون باش كيتجبد الموضوع ديال الزلزال السياسي اللي طيح 4 وزراء حاليين و5 سابقين شي وحدين كيجبدو عزيز اخنوش وزير الفلاحة والصيد البحري والتنمية القروية. كاين ربط بين قتل محسن فكري اللي بسبابو شعل الريف وخاصة الحسيمة وبين قطاع الصيد البحري اللي كيشرف عليه. يعني ان المسؤولية ديال هاديك الجريمة خاص قطاع الصيد البحري يتحملها ومادام ان اخنوش رئيس هاد الشي خاصو يقدم لحساب.
تفسير ما شادش. حقاش ماشي بهاد الشي كتم الامور. كان تحقيق قضائي وكانت محاكمات وتحاسبو اللي قصرو فخدمتهم. ما يمكنش ايلى ناس السلامة الصحية ولا مندوب الصيد غادي نحاسبو مديرة الصيد البحري فما بالك بالوزير. سياسيا ممكن ولكن فالبرلمان فالمعارضة ولكن جنائيا ما كاينة حتى فشي دولة ديموقراطية الا اذا تبث ان القرارات المتخدة هاديك الليلة جات من عندو مباشرة.
ثم وهادا هو الاهم وعلاش اخنوش ما عندو علاقة بالموضوع. راه بيان الديوان الملكي واضح. كيتكلم على اتفاقية منارة المتوسط ودارت تقارير ديال الداخلية والمالية وتبعها تقرير ديال المجلس الاعلى للحسابات وعليها الملك خدا قراراتو. هادو كلهم قالو باللي اخنوش خدم مزيان فالصيد البحري حتى ما بقى حتى شي احتجاج فهاد الميناء وخدم فالفلاحة ودار اللي مطلوب منو يديرو فالاتفاقية اللي وقعها قدام الملك فقصر تطوان ف2015. حسب الديوان الملكي اللي تعاقبو تعاقبو على هاديك الاتفاقية ماشي على حراك الريف.
على هاد القبال اللي باغيين يدخلو اخنوش بزز فهاد الموضوع او يدخلو الرباح عزيز وزير التجهيز والنقل فهاديك لوقيتة بزز او حتى وزير الاوقاف احمد التوفيق ما عندهمش شي مبرر موضوعي. تقرير المجلس الاعلى للحسابات اللي قدم ملخصو جطو قدام الملك قال باللي هادو تحركو وخدمو.
تقرير جطو قال بالحرف "بخصوص وزارة الفلاحة وإلى غاية آخر شتنبر 2017 ، قامت الوزارة بتعبئة مبلغ 233 مليون درهم، مما يغطي 182 بالمائة من البرنامج الأصلي للمسالك الطرقية القروية و102 بالمائة من برنامج غرس الأشجار المثمرة. وقد عرف هذا البرنامج تسريعا في وتيرة إنجازه بعد انطلاقة صعبة تعزى إلى الطابع الفصلي لعملية غرس الأشجار المثمرة وكذا إلى ضرورة تجميع الفلاحين في منظمات مهنية". السيد دار خدمتو
اللي باغي يواجه اخنوش يواجهو سياسيا. يواجه برنامج حزبو