البام باغي يشكل لجنة استطلاعية لمكتب السكك الحديدية غير هو خاص اللي يدير لجنة استطلاعية لهاد الحزب وولد زروال

صعيب ياخد الواحد مسافة مع حزب الاصالة والمعاصرة. عندو فئة زوينة ولكن دابا اللي شاد الامور فمجلسي النواب والمستشارين من تريكة الياس العماري وزمن التفرعين. اليوم فريق هاد الحزب فمجلس النواب دار رسالة لرئيس لجنة البنيات والطاقة والمعادن والبيئة كيطالب “بتشكيل على وجه السرعة لجنة برلمانية للقيام بمهمة استطلاعية للمكتب الوطني للسكك الحديدية، وذلك طبقا لمقتضيات المادة 107 من النظام الداخلي لمجلس النواب”
گاليك باغي يعرف “حالة ووضعية أسطول المكتب الوطني للسكك الحديدية من المعدات المتحركة (القاطرات والمقطورات ولاسيما عربات المسافرين)، وتصنيف مكونات هذا الأسطول من حيث قدمها وصلاحيتها للاستغلال” و”الاطلاع على مدى نجاعة عمليات الصيانة وإعادة التأهيل والملاءمة، وكذا الوقوف على حقيقة وضعية وأداء منظومة المكتب في مجال السلامة والأمن ومدى نجاعة تدبيرها”
هاد الشي عندو علاقة بفاجعة بولقنادل اللي تقلب فيها التران ماتو فيه 7 لحد الان. البام باغيين يتلاقاو مع وزير التجهيز والنقل واللوجستيك والماء والوزير المنتدب المكلف بالنقل، والسيد المدير العام للمكتب الوطني للسكك الحديدية، والاستعانة، عند الاقتضاء، الاستعانة بكل من ترى اللجنة فائدة في الاستماع إليه للاستفادة من خبرته في المجال السككي”.
القضية مزيانة. سياسيا عندهم الحق خاصة انهم فالمعارضة٬ غير المشكل فهاد الحزب. حزب ولد زروال ما عندوش الحق يعطي الدروس لشي حد. اللي خرج ولد زروال واللي دفعات عليه السلطة باش يرهبو بنادم ويصوتو عليه فالانتخابات التشريعية الاخيرة ما عندوش لوجه لا المصداقية يطالب بامور بحال هادي.