لارتيست كعا. مرا مزوجة وبولدها بغات تصاحب معاه وهو معجبوش الحال

المغني لمغربي لارتيست كعا مزيان بعد ميساجات وصلوه على واتساب من مرا كتقول أنها مزوجة وعندها ولد ولكن عجبها وبغات تصاحب معاه.
النجم العالمي لي ساكن في فرنسا معجبوش الحال ووضح ليها انه مزوج وكينشط في دارو مع مرتو، لكن السيدة بقات مصممة أنها طيحو في الشبكة، وقالت ليه متخاف من والو وعطاتو سناب ديالها باش يدويو فيه، حيت سناب شات كيمشيو منو الميساجات في البلاصة وماكيبقاش لاطراس ديال شي حاجة.
لارتيست حط المحادثة كاملة، وتحلف على الناس لي كيفرقو في نمرتو.