واش اليزمي غادي يخلص ثمن تقريرو على التعذيب فالريف؟ توقع يجيبو امينة بوعياش فبلاصتو

توقعت مصادر ل”كود” ان يتم تعيين امينة بوعياش السفير الحالية للمغرب في السويد فبلاصة ادريس اليزمي رئيس المجلس الوطني لحقوق الانسان. هاد الشي كيروج بزاف. تغيير غريب شوية. مصادر اكدت ل”كود” ان هاد التوقع ايلى حدث فهو ثمن غادي يخلصو ادريس اليزمي بسباب تقريرو حول حراك الريف واللي تنشر وقال فيه باللي وقع تعذيب ضد نشطاء الحراك.
داك التقرير كان نوض الصداع بزاف وردات عليه المديرية العامة للامن الوطني اللي نفات اللي جا فيه.
من ذاك النهار بدات الهدرة على تغيير اليزمي المتهم باضعاف الدولة من قبل البعض وكاين اللي كيعتابرو شجاع.
بوعياش كانت عضوة فكتابة دستور 2011 وقبلها كانت رئيسة للمنظمة المغربية لحقوق الانسان اللي كانت قريبة من الاتحاد الاشتراكي.
فالحقيقة ايلى كان شي تعيين خاصو يكون فمجلس مغاربة العالم اللي من زمان ومازال فيه ادريس اليزمي ودابا كيتحكم فيه بوصوف وداير بيه ما بغى. الكاتب العام للمجلس الوطني لحقوق الانسان محمد الصبار يستاحق المنصب ايلى كان ولا بد من تغيير.
مجلس اليزمي كان فلحظات كثيرة جبان ما قدرش يدين اعمال عنف ضد متظاهرين وسكت فامور كثيرة وموقفو الاخير مما تعرض له المهاجرون جنوب الصحراء شوهة كبيرة. دافع على منطق الدولة ماشي على حقوق الانسان وتبنى خطاب يميني ماشي حتى يساري اللي كيقول باللي منهم