كيهم الكماية الحوفارة. ها تفاصيل الزيادات فگارو الطبقات الشعبية.. كازا واولمبيك الزرقا والمغرب وماركيز

كيقول المثل لي ما عندو زهر ما عندو حتى في خلا دار بوه. هاذ الشي كيلخص علاقة المبليين بالكارو الحوفارة مع الزيادات الجديدة في أنواع الكارو ابتداءا من اليوم فاتح يناير 2019 . كنقصدو كازا واولمبيك الزرقا والمغرب وماكيز واللي عرفات زيادات كبيرة..
مثلا كازا تزاد فيها 4 دراهم ولات ب 20 درهم للبكية، نفس الزيادة في أولمبيك زرقا. أما ماركة “المغرب” فثمن البكية وصل 360 ريال. كانت ب 300 ريال..
ماركيز اللي كيكميها بزااف ديال المدخنين المغاربة وصل ثمنها 430 ريال بعدما كانت ب 410 ريال. أما غولواز فوصل ثمنها 460 ريال فبلاصة 440 ريال. في الوقت اللي تزاد ف “مارلبورو” 2 دراهم اي بكية ب 700 ريال، أما وانسطون ماتزادش فيه. بقا ب 640 ريال للبكية..
الزيادات الجديدة جات في اطار قانون المالية لسنة 2019 الذي أقرته الحكومة، وينص على الرفع من قيمة الضريبة المفروضة على شركات تصنيع واستيراد التبغ.