كفالة مليون طلقات القايد ديال عين عائشة المتهم بالرشوة

omarelmouzaine@gmail.com
في تطور جديد للقضية ديال قائد الملحقة الإدارية عين عائشة التابعة لعمالة تاونات لي كان حصل بالرشوة قبل أيام، بعدما أطاح به الرقم المباشر لي طلقاتو رئاسة النيابة العامة للتبليغ عن الفساد والرشوة، علمت “كود”، مصادرنا، أن هاد المسؤول الترابي تطلق اليوم الإثنين.
ووفق ما كشفت عنه مصادر مطلعة، ل”كود”، فإن الغرفة الجنحية ديال محكمة الاستئناف بفاس قررت باش تتابع هاد القايد، الذي يتمتع بالامتياز القضائي، في حالة سراح، بكفالة مالية قدرها 10000 درهم.
وكان الدفاع ديال هاد القايد قد قرر استئناف قرار المتابعة ديالو فحالة اعتقال احتياطي من قبل قاضي التحقيق بالغرفة الأولى، قبل أن تحسم الغرفة الجنحية فهاد القرار زوال اليوم الإثنين، وتحكم بالمتابعة ديال القايد فحالة سراح، ولي مراتو حتى هي قايدة بمدينة تاونات.
يشار إلى أن هاد القايد كان تضبط متلس بتلقي مليون سنتيم كرشوة قدمها ليه واحد مول المعصرة ديال الزيتون، كان كيتعرض بينة الفينة والأخرى للابتزاز من قبل هاد المسؤول الترابي، قبل أن يقرر التبليغ عنه عن طريق الرقم المباشر ديال النيابة العامة.