زويتن واللي معه مهدّدون بالاعتقال.. النيابة العامة طعنات فالقرار ديال متابعة المتورطين فالفضيحة ديال مهرجان فاس فحالة سراح وها المصير ديالهوم دبا

يبدو أن المتهمين فالفضيحة الأخيرة ديال مهرجان فاس للموسيقى العالمية العريقة مهددون بالاعتقال، وعلى رأسهم الرئيس ديال المهرجان عبد الرفيع زويتن والباطرون السابق ديال المكتب الوطني للسياحة.
وحسب مصادر قضائية، ل”كود”، فإن الوكيل العام ديال محكمة الاستنئاف بفاس الذي سبق له أن التمس بإيداع بعض المتهمين فداك لفضيحة المالية ديال مهرجان فاس للموسيقى الروحية، قرر استئناف قرار قاضي التحقيق الرامي إلى متابعة المتهمين فهاد الملف بكفالات ترواحت ما بين 6 و10 مليون سنتيم.
وكشفت مصادر “كود”، أن النيابة العامة سبق ليها أن التمست إيداع بعض المتهمين فهاد الملف لكبير بالسجن المحلي، مع إخضاع آخرين للمراقبة القضائية، غير أن قاضي التحقيق قرر متابعة المتهمين في حالة سراح مقابل كفالات ديال 10 مليون وشي وحدين 6 ديال المليون وشي وحدين خداو السراح بدون كفالة.
وأبرزت المصادر نفسها، أن النيابة العامة استغربت من إطلاق سراح شي متهمين بدون كفالة، واستغربت من جهة أخرى الإفراج عن متهمين آخرين بكفالات لا تغطي حجم وقيمة المبالغ المختلسة من مالية مهرجان فاس.
المصادر القضائية أفادت أن المصير ديال زويتن ومن معه بين يدي الغرفة الجنحية بمحكمة الاستئناف بالمدينة. وهي اللّي غادي تبث فالطعن ديال الوكيل العام بخصوص متابعة المتهمين فحالة سراح.
دبا الغرفة الجنحية غادي تحسم الأسبوع الجاي. واش تدير التأييد ديال قرار قاضي التحقيق الرامي إلى متابعة زويتن والناس لي معاه ف السراح أو تمشي ف التوجه ديال الوكيل العام الذي التمس الإيداع. نساينو نشوفو هاد القضية