البرلماني وهبي لبرلمانيي الوردة: الدوباج هو حصول الوردة على رئاسة مجلس النواب ب20 مقعد

omarelmouzaine@gmail.com
هاد انهار الثلاثاء تقربلات مزيان ف اللجنة ديال التعليم والثقافة بمجلس النواب بين البام والاتحاد الاشتراكي. هادشي وقع خلال المناقشة التفصيلية ديال قانون الإطار للتربية والتكوين.
وكيف تابعت “كود”، فإن البرلماني البامي المثير للجدل، عبد اللطيف وهبي، دخل طول وعرض فجوج برلمانيات من الاتحاد الاشتراكي، وقالهوم: “عندكوكم عشرين فقط وفارعين لنا راسنا وباغيين تحكمو وخاصكوم تحشمو ماشي تعطيونا الدروس وحكرة هادي”.
هاد لقربالة بدات مني كان وزير التربية الوطنية والتعليم العالي والبحث العلمي، سعيد امزازي، كيهضر على قانون الإطار مع أعضاء لجنة التعليم. وحتى البرلمانية الاتحادية بنسهلي السعيدة طلعات مسهلاس. كيف تابعت “كود” قالت لوهبي:”اش هاد الوقاحة”.
رئيس اللجنة تدخل ف اكثر من مرة باش يرجع الموضوع للنقاش، غير أن البرلماني وهبي واصل هجومو على جوج برلمانيات اتحاديات. ووحدا منهم خرجات بحالها بعد هاد القربالة.