ناس جهة العيون فرحو بعدما مشى بوشعاب يحظية وطلبو مايكونش الوالي الجديد بحال لي سبقوه

بعد ما تعين عبد السلام بكرات والي على جهة العيون، خرج بزاف ديال المواطنين فمواقع التواصل الإجتماعي كتشد فالوالي السابق يحظيه بوشعاب، لي طحن المدينة وخدم الأجندة ديالو وتهلا فأقربائو، ودار سياسة عسكرية مابقاتش خدامة فالصحرا.
تگرديعة الداخلية لبوشعاب، وتعيينو والي على جهة درعة تافيلالت وعامل على إقليم الراشيدية، غادي تجيه بحال الصدمة هو والمقربين ديالو، خصوصا شيخ القبيلة لي كينتمي لها “بوشعاب يحظيه”، ولي كان داير فمقر الولاية مابغى، وشاد بيرو “كليماتيزي” حدا ولد عمو.
أكثر لي فرحوا من التصيفيطة ديال بوشعاب، قبيلة زرگيين لي ترامالهم على أراضيهم فنواحي طرفاية، ودارو لافتات كتورط ولاية العيون فعملية سطو على ترابهم فنفوذ جماعة الدورة شمال العيون، زيد على ذلك بزاف ديال العائلات لي لصق فيهم تهمة الانفصال باش ايحيدليهم الكرطيات لي عاطياهم الدولة ويقسمهم بين ولاد عمو.
رواد الفايسبوك فجهة العيون، طلبو وتمناو مايكون الوالي اجديد بحال لي سبقوه، ومنهم زمراك و الدخيل و جلموس لي مشاو بعاصمة الأقاليم الجنوبية لأحداث كلشي كيعرفها….