يا السي الصالحي. كون غير صحراوي حقيقي وبقى فكلمتك وما تكذبش وتقول راه صحفتي تبيراطات: راه عندي ميساجاتك تهدد في مباشرة بعد النشر

هاد الشيخ ديال قبائل ايت لحسن واسمه عبد الله الصالحي براهيم ما صدقتش. ما قدرتش يتحمل تبعات ما كتبه على صفحته على الفايسبوك واتهم فيه القضاء والمحامين والشيوخ اللي حضرو لمحاكمة اكديم ازيك ووعد بنشر تقارير خطيرة. السيد ناشط فصفحتو ودار تصويرتو. غير بعد ما نشر التدوينة ونشراتها "كود" وخداتها البوليساريو باش تسب المغرب وخرج بيان لشيوخ حضروا المحاكمة لادانته وهو يضربها بنكرة. نكر كلشي حتى صفحتو. قال ليك نعام اسيدي راه تبيراطات.
علاش لكذوب علاش. نهار خدينا ف"كود" التدوينة اتصل بنا هاتفيا اكثر من مرة وباش ما كانش الجواب دار تدوينة ونشر اسم مدير النشر ورقم هاتفه وتوعد بالذهاب الى القضاء وكتب تدوينة تنم بصاح عن عنصرية مقيتة. باللي غير اهل الصحرا اللي يكتبو علي الصحرا. رغم انه فكود . طبعا رحبنا في "كود" فهاد الشي حقاش كنثيقو فقضاءنا ماشي بحالو. تتوفر "كود" على ميساجات ديالو راسلهم كيهدد فينا دابا نعطيوهم للقضاء باش ندعيوه علي اتهامه لصحافييها.
كنا غاديين نحتارمو هاد الخليفة بزاف وللي خدام مع ولد عمو والي الجهة بوشعاب يحضيه لو اعتذر لو طردو الوالي او الداخلية من الديوان او عاقبوه او لو بقى فكلمتو واستقال ولكن باش تولي عملية ابتزاز ديال بصاح وفالاخير يضربها بنكرة ماشي من شيم اهل الصحرا ولا من اخلاقهم