الوالي الدردوري ل”كود”: النسخة الثالثة ديال المبادرة الوطنية جات ببرامج جديدة وها الخطة ديالنا لإدماج السجناء

قال الوالي محمد الدردوري، المنسق الوطني للمبادرة الوطنية للتنمية البشرية، أن النسخة الثالثة من المبادرة التي أعطى انطلاقتها الملك محمد السادس، ترتكز على ثلاثة برامج كبرى.
وأبرز الوالي الدردوري، في تصريح ل”كود”، أن البرنامج الأول يتعلق بتدارك الخصاص في ما يخص البنية التحتية، والبرنامج الثاني خاص بإدماج الشباب في سوق الشغل والمواكبة ديالهم والبرنامج الثالث يتعلق بالتنمية البشرية للأجيال الصاعدة، والبرنامج الرابع غادي يتوجه للأشخاص في وضعية هشاشة بما فيهم السجناء، وكذلك قدماء السجناء.
وقال الدردوري: “المبادرة البشرية تواكب المندوبية العامة للسّجون في هذا الإطار ولا سيما فيما يخص مرض القصور الكلوي اللي هو مستهدف من طرف المبادرة الوطنية للتنمية البشرية وغادي نصاحبو السجناء على المستوى الوطني باش نتعاونو مع الجميع باش يكونو فعلاً هاد المرضى الي هما مواطنين مغاربة يتعالجو فالوحدات السجنية”.
وماشي غير السجناء اللي مزال يقضون عقوبات سالبة للحرية، يضيف الدردوري ل”كود”، قائلاً: “كذلك قدماء السجناء غادي يستافدو من هاد البرامج عن طريق الاتفاقيات اللي كاينة مع مؤسسة محمد السادس، وكنشوفو كيفاش ندمجوهم في النسيج الاقتصادي والاجتماعي”.
وتابع الوالي تصريحه مع “كود” بالتأكيد: “كنطمحو نتوفقو فالبرامج اللي بغا سيدنا لكاع المواطنين ونتوفقو انشاء الله فهاد الرؤية الملكية باش نزلو اكبر عدد ممكن من البرامج والمشاريع ولاسيما انا هاد المرحلة الثالثة جات ببرامج جديدة وتوجه للأجيال الصاعدة، وغادي نهتمو بالطفولة منذ الولادة إلى 18 سنة بما في ذلك الأمهات ديالهوم ويلا بغينا نقادو أي مجتمع خاصنا نعدّو الأجيال الصاعدة إذن هناك الصحة ديال الأم والطفل وغادي نشتغلو مع وزارة الصحة”.
وأنهى الوالي المنسق الوطني للتنمية البشرية حديثه مع “كود” بالإشارة: “وكذلك سيتم تعميم التعليم الأولي في المناطق النائية والدواوير البعيدة وستكون هناك مواكبة باش نرفعو من جودة التدريس والدراسة فيما يخص الثانويات والإعداديات لان جميع المؤشرات الدولية اللي كدخل بواحد الطريقة قوية كتخدم مزيان التربية والتعليم والصحة”.