محمد السادس في حوار مع الصحافة الملغاشية: ها تصوري للتعاون المغربي الافريقي وغادي نتبع بشكل شخصي انجاز كاع المشاريع

اخر حوار للملك محمد السادس كان مع الصحافة الملغاشية ونشراتو اليوم السبت. كنا نتمناو يدير حوار مع الصحافة المغربية ولكن مازال يمكن غاديين نتسناو وقت طويل. الملك فهاد الحوار تحدث عن جولته في مدغشقر وعن تصوره للشراكة الافريقية المغربية وعن عودة المغرب للاتحاد الافريقي. "كود" تقدم ترجمة بالدارجة لهاد الحوار في انتظار شي نهار حوار مع الصحافة المغربية
صاحب الجلالة كنشكروك على استقبالنا. انتم فمدغشقر فاطار جولة افريقية٬ اش كتعني ليكم زيارة هذه الدول الافريقية؟
بغيت نشيد ونشكر خوتنا الافارقة. بالنسبة لنا كل زيارة لافريقيا فرصة باش نجدد اللقاء مع الشعوب الافريقية اللي كنحبها ونحترمها. هاد الزيارات كتكشف غناها الحقيقي. غنى القلب.
المغرب وافريقيا واحد ما يمكنش نجزؤوهم ولا نقسموهم. اللي فكر فهاد الشيء راه خاطئ.
باغي من خلال زياراتي لافريقيا ومن خلال المشاريع اللي كنعطي انطلاقتها نقتاسمو تجاربنا نقتاسمو خبراتنا بلا ما يعطي حد لحد الدروس
كاينة تحديات كبيرة كنواجهوها فافريقيا كبيرة لكن النساء والرجال والاطفال اللي كنتلاقاهم خلال زياراتي كيعطيوني القوة باش نستمر. كلهم كيفرحوني بكوني افريقيا "ولد البلاد" كيفما قال علي رئيس الجمهورية.
الله رجعتو من انتسيراب اللي حضرتو فيها لعدة مراسيم واللي زرتو فيها البلاصة اللي عاشت فيها العائلة الملكية، كيف دازت الزيارة؟
زيارتي نهار الاربعا كانت مؤثرة بزاف. جدي وعائلتي عاشوا عامين فهاد المدينة.
عائلتي بقات عندها ذكريات زوينة على هاد الفترة ديال المنفى. حافظت العائلة على رابطة قوية مع مدغشقر وبالخصوص انتسيراب
على هاد القبال قررت فزيارتي هادي نعطي انطلاقة مشاريع لسكان المدينة. باغي ندير مركز للتكوين المهني فالسياحة والبي تي اس ونبني مستشفى "ام طفل" واللي غادي يكون فيه تكوين العاملين فيه.
بغيت نؤكد على واحد الحاجة باش نزول اي غموض. كاينة اشاعات على ان هاد المشاريع غادين يستافدو منها غير المسلمين. هاد الشي ما كاينش. هاد المشاريع موجهة لكل الساكنة.
ملك المغرب هو امير المؤمنين كاع المؤمنين فكاع الديانات
الشعب الملغاشي شعب منفتح وقلبو نقي. المغرب ما كيقلبش على يفرض الاسلام. الاسلام اللي عندنا فالمغرب اسلام الاعتدال والتسامح.
تلاقيت مع امام مسجد محمد الخامس بانتسيراب. الامام تلقى تكوين فمعهد محمد السادس لتكيون الائمة =المرشدين والمرشدات". معهد فيه جنسيات مختلفة
جلالة الملك كيفاش ممكن طور الشراكة بين المغرب ومدغشقر؟
قبل هاد الزيارة الرمزية لانتسيراب ترأست مع فخامة الرئيس الملغاشي بانتاناناريفو توقيع عدد من اتفاقيات التعاون. هاد الاتفاقيات تظهر رغبة الدولة المغربية باش تساهم فتحسين ظروف حياة الساكنة. هاد المشاريع فهاد الاتجاه.
مدغشقر عندها امكانيات هائلة باش تنجح والمغرب عندو باش يقدر يواكب الوزرارات والشركات العامة والخاصة.
كنشجع بشكل خاص المقاولة المغربية باش تستثمر فمشاريع فمدغشقر فاطار التعاون المتوازن مع المستثمرين الملغاشيين
باش غادي يتعقد مؤتمر باريش غادي نزور ابوجا =النيجيرية= غادي نحرض باش المغرب يكون حاضر بوفد مهم فباريس. وفد عندو مشاريع اولويتها للبنيات التحتية بمدغشقر وكما افعل دائما بالمغرب او خارجو فانا اللي غادي نشرف بشكل شخصي على انجاز كلشي المشاريع. يعني انني غادي نرجع لمدغشقر
وبالنسبة للقارة الافريقية جلالة الملك؟
نموذج التعاون اللي كنطمحو ليه فافريقيا بحال هاد الشي اللي درناه فمدغشقر. باغي ندير تعاون جنوب جنوب قوي وتضامني بين الدول الافريقية.
قلتها فخطابي فابيدجان فبراير 2014 "خاص افريقيا تيق فافريقيا" فاطار شراكة متحررة من العقد يمكن كلما نبنيو مستقبلنا
عند المغرب مشاريع مختلفة مع البلدان الافريقية. ناخدو ونتقاسمو بلا عجرفة بلا احساس ديال الاستعمار
كنطلب من الشركات المغربية تمشي لمكاتب الدراسات وفيديها مشاريع مضمونة يمكن تنجز
باش نحققو هاد النموذج ديال التعاون الافريقي افريقي كنتحرك بشكل مستمر فقارة كنحس براسي مزيان فيها. كيعجبني بزاف الاحترام والضرافة صدق مشاعر الساكنة اتجاهي. عندي سعادة كبيرة بكوني افريقي. كنحس براسي مرتبط بزاف فهاد القارة
كلشي هاد الشي داخل فعودة المغرب للاتحاد الافريقي؟
عارف باللي الحضور المغربي في افريقيا وبشكل خاص جولتي هذه كتقلق شي وحدين. على الاقل ما تسنيناش اعلان عودة المغرب للاتحاد الافريقي باش ندير هاد الجولات باش نخلقو هاد النموذج للتعاون باش نستثمرو فالقارة.
كل الدول الصديقة من زمان او اللي يالله ولات صديقي بشرق القارة عندها اجماع باش يدعمو عودة المغرب للاتحاد الافريقي.
هاد المبادرة ديال الزيارات كانت بلا شروط مسبقة٬ ولقيت ردود ايجابية ومزيانة عبرو عليها اللي استاضفوني. راني ممتن ليهم وكنشكرهم بزاف