رجوع حمزة الفيلالي لمراتو خلاه مايكملش مسيرتو مع “ايموغاجي” لي كان عايش فيها الحب

الكوميدي حمزة الفيلالي علن رسميا خبر خروجو من مجموعة “ايموغاجي”. ودار بوسط في انستكَرام قال فيه شكرا على كلشي.
التبركيكة لي جابت “كود” أكدات أن حمزة مابقاش قادر على الصداع مع مراتو هند العلمي لي رجع ليها هادي 3 شهر، خصوصا ان الفريق فيه كريمة بولحوس لي كانت كتربطها به علاقة حب. وكيف كيقول المثل المغربي “نهار اللول يموت المش”، وقرر يخرج من الفرقة بلا صداعات.
وقال حمزة الفيلالي فالبوسط ديالو: "فالحياة كانتلاقاو مع ناس اللي عمرك تقدر تنساهم، اللي كادوز معاهم أحسن أوقات كتبقا ديما راسخة في قلبك، و الحياة مراحل عندها بداية و نهاية، اليوم كاتسالي المسيرة ديالي مع أحسن فرقة فالمغرب، فرقة إموغاجي، و من القلب الخالص بغيت نشكر طاليس اللي تعلمت منو بزاف ديال الحوايج، و اللي دوزنا أنا وياه الحلوة والمرة".
وجدير بالذكر، ان حمزة كان في الأول ناكر أنه مزوج ومانع مراتو من الظهور معاه، لكن من بعد عامين ديال الطلاق رجعو تصالحو ودارو العرس ومابقاتش كتفارق معاه.
View this post on Instagram
فالحياة كانتلاقاو مع ناس اللي عمرك تقدر تنساهم، اللي كادوز معاهم أحسن أوقات كتبقا ديما راسخة في قلبك، و الحياة مراحل عندها بداية و نهاية، اليوم كاتسالي المسيرة ديالي مع أحسن فرقة فالمغرب، فرقة إموغاجي، و من القلب الخالص بغيت نشكر طاليس اللي تعلمت منو بزاف ديال الحوايج، و اللي دوزنا أنا وياه الحلوة و المرة، و منساش خوتي، رشيد رفيق، ياسار، قمر السعداوي، سعيد و وديع، أيوب إدري و كل الفريق اللي كاي سهر على نجاح هاد الفرقة (إلا جيت ندكرهم كاملين غاي جريو عليا انستغرام ????) شكرا على الاوقات اللي دوزنا مع بعض، أوقات لن أنساها أبدا، شكرا ليكم من القلب الخالص، و كانتمنا ليكم السعادة و النجاح فحياتكم الشخصية و المهنية. ❤️ @humourajiofficiel @taliss1 @rachidrafik04 @yassarlemghar @hamaka_officiel @said_et_wadie @ayoubidri
A post shared by Hamza Filali (@thehamzafilali) on Jun 13, 2019 at 1:00pm PDT