عبير براني بعدما عرات على المؤخرة في التايلاند والمغاربة هجمو عليها: نفسيتي مدمرة وهاديك التصويرة خاصة بيا

الجدل ديال تصويرة بالمايو سترينكَ لي حطات “المؤثرة” عبير براني في انستكَرام مازال داير البوز ومنوض الصداع، والسيدة بغات تسد الموضوع ودارت اعتذار لعائلتها أولا وللمتتبعين ديالها ثانيا، وهكاك والو.
وكتبات عبير في صفحتها أن نفسيتها مدمرة بعدما تصويرتها داعت في الانترنت واكدات أن الصورة خاصة، واضافت: “كل واحد فينا عندو صور محتافظ بيها، انتم عارفين انا مكانزلش تصاوري بالبيكيني والصورة دازت بالغلط”.
وباش تجاوب لي قالو كتقلب على البوز، قالت عبير “انا بعيدة على هاد الأمور، نفسيتي محطكمة ولي فيا يكفيني.. بليز”.
وكانت التصويرة ديال عبير دارت بوم، وبزاف ديال المتابعين حيدو follow من الكونط وعبرو على غضبهم وقالو انها “حشمات بيهم” كاع، المغاربة وشحال فيهم دزيادات فيه، قتل ودبح مكيهدروش، عري طريف داللحم كيهجمو عليك وكيندموك.